‘’ Grand Hantha International Hospital မှာ ဆေးခန်းပြရတာ အဆင်ပြေတယ်။ ဝန်ဆောင်မှုနှင့် ပတ်သက်ပြီးတော့လည်း အားလုံးအဆင်ပြေတယ်။ ဆရာဝန်၊ ဆရာမများရဲ့ စေတနာထားမှုကြောင့် ရောဂါစစ်ဆေးရာတွင်လည်း အားလုံး စိတ်ကျေနပ်မှု ရှိပါတယ် ‘’ ဆိုပြီး Prestige Careဝန်ဆောင်မှုလေးနဲ့ ဆေးခန်းပြသွားတဲ့ မမတစ်ယောက်ရဲ့ ကိုယ်တွေ့ အတွေ့အကြုံလေးကို ဝေမျှပေးသွားပါတယ်။ အခုလို အတွေ့အကြုံကောင်းလေးတွေ ဝေမျှပေးသွားတဲ့ မမကိုလည်း ဂရန်း(ဒ်)ဟံသာဆေးရုံမှ ကျေးဇူးအများကြီးတင်ပါတယ်။

သမီးလေးမွေးဖို့ Grand Hantha ဆေးရုံကိုရွေးချယ်ခဲ့တာကိုယ်တွေအတွက် မှန်ကန်တဲ့ရွေးချယ်မှုဖြစ်ခဲ့ရတယ်။

ကိုယ်တိုင် အတွေ့အကြုံလေးကို မျှဝေပေးချင်တာနဲ့ အမှတ်တရလေးလည်းဖြစ်အောင် sharing လုပ်ပါရစေ။တကယ်က ဆေးရုံကဆင်းဆင်းခြင်းရေးချင်ခဲ့တာ မရေးဖြစ်လိုက်ဖူး ကလေး နှစ်ပတ်ပြည့်မှ ရေးဖြစ်သွားတယ်

ကိုယ်ဝန်စရှိကတည်းက ဘယ်မှာမွေးရမလည်းစဉ်းစားနေတာ ပထမတစ်ယောက်တုန်းက မွေးခဲ့တဲ့ဆေးရုံက အဆင်မပြေဖြစ်ဖူးတော့လေ ဒါတောင်မှ VIP အခန်းမှာ တက်ခဲ့တာပါ  Mo တွေက တစ်ခါခေါ်   လာဖို့ သုံးနာရီကြာတယ် ဒုတိယ တစ်ယောက်မှာ အဲဒါမျိုး ဖြစ်မှာကိုအရမ်းစိတ်ပူနေတာ

နာမည်ကြီး International ဆေးရုံနှစ်ခု လုံးမှာ စုံစမ်းတာ ပါစစုံစမ်းကတည်းက Grand Hantha က Admission department က အရမ်း ကိုစိတ်ရှည်ရှည်လေးနဲ့ ရှင်းပြပေးကြတယ် ဖုန်းနဲ့လည်း မေးတယ် လူကိုယ်တိုင်လည်း သွားမေးတယ် စိတ်ရှည်ရှည်နဲ့ ဖြေပေးတယ် ဖုန်းနဲ့ ရော လူကိုယ်တိုင်ရော ၄/၅ ကြိမ်လောက်မေးပြီး ရွေးလိုက်တာ အရမ်းကိုမှန်ကန်တဲ့ ရွေးချယ်မူဖြစ်သွားတယ် စိတ်ချမ်းသာလ်ု့ပါ

Grand Hantha မှာရက်ယူပြီး မွေးမဲ့ရက်မတိုင်ခင် ၁ ရက်မှာ နေ့လည်၁၂နာရီ ကနေစပြီး ဆေးရုံကြိုတက်လို့ရပါတယ်။

ဆေးရုံက ဝန်ဆောင်မှုပေးတဲ့ ခွဲမွေးတဲ့ package တွေမှာ Deluxe, Suite, Royal Hantha Suite, Executive ဆိုပြီးရှိပါတယ်။ ဘယ် package ပဲဖြစ်ဖြစ် ပါတဲ့ service တွေကတူတူပေမယ့် အခန်း အကျယ် တွေပဲကွာသွားတာ။ ကိုယ်ကေတော့ Royal Hantha Suite ကို ရွေးယူလိုက်တယ်။ လူနာစောင့်အတွက် သီးသန့်အခန်းလိုချင်လိုချင်တာနဲ့ ယူလိုက်တာပါ သူဈေးလေးက17 သိန်း 9  သောင်း

မွေးမဲ့ရက်မတိုင်ခင် တစ်ရက်အလို  နေ့လည် ၁နာရီလောက်မှာဆေးရုံကိုရောက်တယ်။ COVID rule လည်းရှိသေးတာကြောင့် covid လည်းစစ်ရသေးတယ်။ Covid ကိုတော့ အပြင်ကနေ စစ်ခဲ့လိုက်တာ ကိုယ်နေမယ့်အခန်းကိုရောက်တော့ တာဝန်ကျ nurse တွေရောက်လာပြီး ဝတ်စုံလဲပေး၊ သွေးစစ်၊ သွေးပေါင်ချိန်တိုင်းတာတွေလုပ်ပေးပြီး ကလေးနှလုံးခုန်နှုံးလေးကိုတိုင်း ကိုယ်ဝန်စရှိထဲက မှတ်တမ်းတွေအကုန်ယူသွားတယ်။

Package ထဲမှာ မိခင်အတွက် မနက် နေ့လည် ညစာ ပါပီးသားပါ။ ကိုယ်က အစားအစာ အရမ်းရွေးတဲ့သူ တော်ရုံမစားလိုဖူး ဒါပေမဲ့ ကံကောင်းစွာနဲ့ ဆေးရုံက စီစဉ်ပေးတာလေးနဲ့ အရမ်းအဆင်ပြေခဲ့တာ ပန်းသီး ကိတ်မုန့် ဟင်းချို

ခေါက်ဆွဲကြော် ငါး ကြက်သား ငှက်ပျော်ပူတင်း စုံနေရော အလှည့်ကြထည့်ပေးတာ meal box လေးထဲက items တွေကို မှတ်မိသလောက်ရေးလိုက်တာပါ

၆ ရက်နေ့ညရောက်တော့ မနက်ကျရင် ခွဲခန်းဝင်ရမယ်ဆိုတဲ့အသိနဲ့ တော်တော်လေးကို အိပ်ပျော်အောင်အိပ်လိုက်ရတယ်။ ည၁၀နာရီနောက်ပိုင်း ရေရောအစာရောဖြတ်ပီး fasting လည်းလုပ်ရတယ်။  ၅နာရီထပီး ကိုယ်လက် ရေပတ်တိုက်သန့်ရှင်းရေးလုပ်ပြီး ဘုရားရှိခိုးမေတ္တာပို့ဆုတောင်း ဆရာမလေးတွေရောက်လာ

၆နာရီရောက်တော့ nurse တွေရောက်လာပြီး ခွဲခန်းအဝတ်အစားကိုလဲပေးတယ်။ ပီးတော့ ခွဲခန်းဝင်မယ်ဆိုပြီးကိုယ့်ကိုခေါ်သွားတယ်။ ကိုယ့်မှာလေစပြီးကြောက်လာလိုက်တာဆိုခြေဖျားလက်ဖျားတွေလည်းအေးလို့

အထဲရောက်တော့ တစ်ကယ်ခွဲမယ့်ခွဲခန်း မဝင်ခင် သွေးပေါင်ချိန်တိုင်း၊ ကလေးလှုပ်တာ တွေဘာတွေနဲ့ တခြားလိုအပ်တာတွေလုပ်ပေးတယ်။ ပီးတော့မှ ဆရာဝန်တွေလည်းစုံသလောက်ရှိတော့ ခွဲခန်းထဲခေါ်သွားတယ်။ ခွဲမယ့်ကုတင်ပေါ်ကိုအရင်ပြောင်းရွှေ့တယ်။ ခွဲခန်းထဲမှာဆရာဝန်ကြီးတွေရောအကူတွေရောအများကြီး။ ကိုယ့် OG လည်းရောက်လာပီး သမီး ဘာမှမကြောက်နဲ့ ဆိုပီး အားပေးစကားပြောတယ်။ နောက်ပီး ခါးဆစ်ရိုးကို ထုံဆေးထိုးဖို့ ပုစွန်ထုပ်ကလေးလိုကွေးခိုင်းပြီး ဆေးထိုးလိုက်တယ်။ ခဏနေတော့ အန်ချင်လာပါရော ခဏသီးခံနော်လို့ ပြောတဲ့ အသံတော့ ကြားတယ် နေကြည့်ပါတယ် နောက်ဆုံး မရဖူး အန်ချင်တယ် ဆိုပြီး နည်းနည်း အန်မိသလိုပဲ ခံစားမှုက

ဘာမှတောင်သေချာမသိလိုက်ဘူး။ ခဏလေးပဲ ကလေးငိုသံလေး ထွက်လာတာ။ သမီးလေးကို ၇:၅၇ မိနစ်စနေနေ့ မှာ ခွဲမွေးလိုက်တယ်လေ။ ပြီးတော့ ကလေးကို သန့်ရှင်းရေးလုပ်ပီး လာပြတယ်။ ချစ်စရာကောင်းလိုက်တဲ့ ကလေးလေးလး။  သတိပြန်ဝင်လာတော့ လျှာလေးအာလေးအသံကြီးနဲ့ အရင်ဆုံးမေးတာ သမီးလေး အရာအားလုံးပြည့်စုံလားဆိုတာပဲ ဆရာမတွေလည်း ပြန်ဖြေရှာပါတယ် ၆ ပေါင်နဲ့၄အောင်စ ရှိပါတယ်တဲ့။ တစ်ကယ်ပျော်တာ

နောက်တော့ ကိုယ့်ကို အခန်းထဲပြန်ခေါ်လာတယ်။ Special Nurse ကိုတော့ နေ့ရော ညပါ ငှါးထားတော့ အဆင်ကိုပြေနေရော( special nurse က package ထဲမပါပါဘူးနော် ) optional ပါ။ မငှါးချင်လည်း Grand Hantha က အလှည့်ကျ nurse တွေကို လိုအပ်တိုင်း ခလုတ်နှိပ်ပီးခေါ်လို့ရပါတယ်။)

ခွဲပြီးတဲ့ရက် ဆီးပိုက်ကလည်းတန်းလန်းနဲ့ အရည်တစ်မျိုးပဲသောက်လို့ရတယ်။ လေလည်မှ အစာအပျော့လေးကစပီး စားလို့ရမှာမို့ အဲ့တစ်နေ့လုံးလည်း အရည်တွေပဲသောက်ရတယ်။ နောက်နေ့မနက်ရောက်တော့ ဆီးပိုက်ဖြုတ်တယ် အစားလည်း စ စားလို့ရတယ် ဗိုက်ဆာလိုက်တာ အရမ်း

Package ထဲမှာ ကလေးတွက်ရောလူကြီးတွက် အကုန်ပါပါတယ်။

ကလေးခေါင်းအုံး/စောင်/ဖက်လုံး/အနှီး/ကလေးအင်္ကျီ/ဦးထုပ်/လက်အိတ်/သေးခံ Pad/wet tissue/ hand sanitizer/ တစ်ခါသုံးလက်အိတ် တွေပါပါတယ်။အနှီးပေးထားတာမလောက်ရင်လည်းထပ်တောင်းလို့ရပါတယ်။ ကလေး သန့်ရှင်းရေးလုပ်ဖို့အတွက်ဂွမ်းလုံးလေးရယ် တဘက်နုနုလေးတော့လိုတယ်။ လူနာစောင့်အတွက် ခေါင်းအုံးနဲ့စောင် ပါပါတယ်။ Room Service အနေနဲ့ အခန်းကိုနေ့တိုင်းသန့်ရှင်းရေးလုပ်ပေးတယ်။ တာဝန်ကျ nusre တွေကဆေးပုံမှန်လာတိုက်တယ်။ သွေးပေါင်ချိန်တယ်။ တာဝန်ကျဆရာဝန်မလေးတွေကလည်း အလှည့်ကျ လာပီးကြည့်ရှုပေးတယ်။ နို့တိုက်ပုံတိုက်နည်းလည်းသေချာသင်ပြပေးပ့တယ် ကိုယ့်ရဲ့ special nurse ကနေ့ရောညရော လူကြီးရောကလေးရောလိုလေသေးမရှိသေချာလေးဂရုစိုက်ပေးပါတယ်။နောက်ရက်တွေကျ ကြွက်သားလေ့ကျင်းခန်းလုပ်ဖို့အတွက် ဆရာမက လာသင်ပြပေးသေးတယ်။

သမီးလေးမွေးတဲ့ရက်လား ညနေ  ၅ နာရီလောက်မှာ ကိတ်မုန့်နဲ့ ကလေးပစ္စည်းတွေကိုဆေးရုံက လက်ဆောင်လာပေးသွားတယ်။ သူအမ ပျော်တာပေါ့ ကတ်မုန့်သူလှီးရတော့မယ်ဆိုံပြီး မိသားစုပုံနဲ့ ကလေးပုံလေးကိုတော့ ဆေးရုံဆင်းမဲ့ မနက်မှာလာရိုက်ပေးတယ်။

ဆေးရုံဆင်းမယ့်နေ့မှာ  သမီးလေးနားအကြားအာရုံစစ်တယ်။ ဆေးရုံက မဆင်းခင် nurse leader အစ်မက

မေမေဆေးရုံမှတ်တမ်း နဲ့ baby လေးရဲ့ မှတ်တမ်း ကိုအကုန်ရှင်းပြပေးပြီး သေချာ file ခွဲပီး လုပ်ပေးလိုက်တော့အရမ်းအဆင်ပြေတယ်။ ကာကွယ်ဆေးထိုးမှတ်တမ်းစာအုပ်၊

babyလေးခြေရာ ပါတဲ့ Birth certificate ထောက်ခံစာစာရွက်၊ တစ်ခြား Data တွေအကုန် collect လုပ်ထားတာ ပြန်ကြည့်ချင်တဲ့အချိန် ပြန်ကြည့်ရုံပဲ။

OG Dr. Khine Lay Kywe နဲ့  team အားလုံးကို ကျေးဇူးအရမ်းတင်ပါတယ် လိုချင်တဲ့ အချိန်လေးကိုရအောင် မွေးပေးတာလေးကိုရော အစစအရာရာ ဂရုစိုက်ပေးတာလေးကိုရော ကျေးဇူးအများကြီးတင်ပါတယ်ရှင်

ကလေး ဆရာဝန်ကြီး Dr.Aye Aye Thein ကိုလည်းကျေးဇူးအများကြီးတင်ပါတယ်ရှင် နို့တိုက်ပုံတိုက်နည်းကစ သေချာလေးသင်ပြပေးတဲ့အပြင်လိုတဲ့ အချိန် ဖုန်းဆက်မေးဖို့ ဖုန်းနံပါတိလေးပါ ထည့်ပေးလို့ ချက်ကြွေတာနဲ့ ပတ်သက်ပြီး ဆရာမကြီးကိုမေးလိုက်ရသေးတယ် အရမ်းကိုကျေးဇူးတင်ပါတယ်ရှင်

packgae + OG ခွဲခ + နောက်တိုးထပ်ဝယ်တဲ့ဆေးဖိုး + Special nurse ဖိုးစတာတွေကုန်ကျခဲ့တယ်။

၆ရက်နေ့ကဆေးရုံစတက်ပီး ၁၀ရက်နေ့မှာတော့ ဆေးရုံဆင်းခဲ့တယ်။

ချုံပြောရရင် ပေးရတဲ့ကုန်ကျစရိတ်နဲ့ ပြန်ရတဲ့ service က အရမ်းအရမ်းကို စိတ်ကျေနပ်မှုရရှိခဲ့ပါတယ် တကယ်ကိုမှန်ကန်တဲ့ရွေးချယ်မူလေးပါရှင်

ဓာတ်ပုံရိုက်တဲ့နေ့တော့ မေမေ ကလှချင်တာနဲ့အပြင်ကအဝတ်လေး ဝတ်လိုက်တာပါရှင်။

သားသားလေးမွေးဖို့အတွက် Grand Hantha ဆေးရုံကိုရွေးချယ်ခဲ့တာကိုယ်တွေအတွက် မှန်ကန်တဲ့ရွေးချယ်မှုဖြစ်ခဲ့ရတယ်။

ကိုယ်တိုင် အတွေ့အကြုံလေးကို မျှဝေပေးချင်တာနဲ့ အမှတ်တရလေးလည်းဖြစ်အောင် sharing လုပ်ပါရစေ။

သားလေးကိုယ်ဝန် ၃၅ပတ်အထိ စင်္ကာပူက OG နဲ့ပဲတောက်လျှောက် Consulting လုပ်ခဲ့ပါတယ်။

၃၆ပတ်ပြည့်ဖို့ ၁ပတ်အလိုတော့ ရန်ကုန်ပြန်လာပြီးသားသားမွေးဖို့ ဆေးရုံရွေးရတော့တယ်။ ရန်ကုန်မပြန်ခင် ကိုယ်ဝန်ဆောင် ဂရုတွေမှာ review တွေဖတ်ကြည့်တော့ OG ဆရာမ Dr.Hsu Myat Mon နဲ့ ကလေးဆရာဝန် Dr.Pyi Phyo Naing က positive reviews တွေကောင်းတော့ အဲ့ဆရာမတွေနဲ့မွေးဖို့ ဆုံးဖြတ်လိုက်တော့တယ်။ ကိုယ့် အိမ်နဲ့လည်းနီးတယ်၊ OG ဆရာမတွေကလည်း Grand Hantha မှာထိုင်တော့ အဆင်ပြေသွားတာပေါ့။ ရိုးရိုးလည်းမွေးချင်ပေမယ့်ကြောက်လည်းကြောက် ပီးတော့ ကိုယ်တွေက တင်္နလာသားလေး လိုချင်တော့ခွဲပဲမွေးဖို့ဆုံးဖြတ်ခဲ့တယ်။

Grand Hantha မှာရက်ယူပြီး မွေးမဲ့ရက်မတိုင်ခင်၁ ရက်မှာ နေ့လည်၁၂နာရီ ကနေစပြီး ဆေးရုံကြိုတက်လို့ရပါတယ်။

ဆေးရုံက ဝန်ဆောင်မှုပေးတဲ့ ခွဲမွေးတဲ့ package တွေမှာ Deluxe, Suite, Royal Hantha Suite, Executive ဆိုပြီးရှိပါတယ်။ ဘယ် package ပဲဖြစ်ဖြစ် ပါတဲ့ service တွေကတူတူပေမယ့် အခန်း အကျယ် တွေပဲကွာသွားတာ။ ကိုယ်တွေကတော့ ၁၂သိန်း၉သောင်းတန် Deluxe package ပဲယူလိုက်တယ်။

Admission ကို အခန်း booking လုပ်တုန်းက nursing area နဲ့ဝေးတဲ့နေရာ ပေးပါဆိုတာကို ကပ်ရပ်အခန်းကြီးပေးလို့ ညဘက်ဆိုရင် ဆူညံသံတွေတော့ကြားရတယ်။ ၁ရက်နေ့ နေ့လည် ၁နာရီလောက်ဆေးရုံကိုရောက်တယ်။ COVID rule လည်းရှိသေးတာကြောင့် covid လည်းစစ်ရသေးတယ်။ ကိုယ်နေမယ့်အခန်းကိုရောက်တော့ တာဝန်ကျ nurse တွေရောက်လာပြီး ဝတ်စုံလဲပေး၊ သွေးစစ်၊ သွေးပေါင်ချိန်တိုင်းတာတွေလုပ်ပေးပြီး ကိုယ်ဝန်စရှိထဲက မှတ်တမ်းတွေအကုန်ယူသွားတယ်။

အနာဆုံးကတော့ လက်ဖျံမှာ ဆေးစမ်းတဲ့အချိန်ပဲ ။

Package ထဲမှာ မိခင်အတွက် မနက် နေ့လည် ညစာ ပါပီးသားပါ။ ကိုယ်တော့မလောက်လို့ အိမ်ကချက်တာရယ် အပြင်က ဝယ်စားတာနဲ့ နှစ်ပါးသွားခဲ့ရတယ်။ ၁ရက်နေ့ညရောက်တော့ မနက်ကျရင် ခွဲခန်းဝင်ရမယ်ဆိုတဲ့အသိနဲ့ မနဲအိပ်ပျော်အောင်အိပ်လိုက်ရတယ်။ ည၁၀နာရီနောက်ပိုင်း ရေရောအစာရောဖြတ်ပီး fasting လည်းလုပ်ရတယ်။ (ကိုယ်ဝန် ၃၈ပတ်နဲ့၂ရက်) ၂ရက်နေ့မနက်ရောက်တော့ ၅နာရီထပီး ကိုယ်လက် ရေပတ်တိုက်သန့်ရှင်းရေးလုပ်ပြီး ဘုရားရှိခိုးမေတ္တာပို့တယ်။

၆နာရီရောက်တော့ nurse တွေရောက်လာပြီး ခွဲခန်းအဝတ်အစားကိုလဲပေးတယ်။ ပီးတော့ ခွဲခန်းဝင်မယ်ဆိုပြီးကိုယ့်ကိုခေါ်သွားတယ်။ ကိုယ့်မှာလေကြောက်လိုက်တာဆိုခြေဖျားလက်ဖျားတွေလည်းအေးလို့။ အဲ့အချိန်ကစပီး သမ္ဗုဒ္ဓေ ဂါထာရွတ်တာ ခေါင်းစဉ်ကလွဲပီး ကျန်တာ ဆက်ဆိုလို့မရတော့ဘူး။

အထဲရောက်တော့ တစ်ကယ်ခွဲမယ့်ခွဲခန်း မဝင်ခင် သွေးပေါင်ချိန်တိုင်း၊ ကလေးလှုပ်တာ တွေဘာတွေနဲ့ တခြားလိုအပ်တာတွေလုပ်ပေးတယ်။ ပီးတော့မှ ဆရာဝန်တွေလည်းစုံသလောက်ရှိတော့ ခွဲခန်းထဲခေါ်သွားတယ်။ ခွဲမယ့်ကုတင်ပေါ်ကိုအရင်ပြောင်းရွှေ့တယ်။ ခွဲခန်းထဲမှာဆရာဝန်ကြီးတွေရောအကူတွေရောအများကြီး။ ကိုယ့် OG လည်းရောက်လာပီး သမီး ဘာမှမကြောက်နဲ့ ဆိုပီး အားပေးစကားပြောတယ်။ နောက်ပီး ခါးဆစ်ရိုးကို ထုံဆေးထိုးဖို့ ပုစွန်ထုပ်ကလေးလိုကွေးခိုင်းပြီး ဆေးထိုးလိုက်တယ်။ ဆေးလည်းထိုးအပြီးခြေထောက်တွေစထုံလာပီး ဘာမှခံစားမှုမရှိတော့ဘူး။ ကိုယ်လည်းအိပ်ချင်လာသလိုဖြစ်လာတာ။ ဘာမှတောင်သေချာမသိလိုက်ဘူး။ ခဏလေးပဲ ကလေးငိုသံလေး ထွက်လာတာ။

သားလေးကို ၇:၃၈မိနစ်မှာ ခွဲမွေးလိုက်တယ်လေ။ ပြီးတော့ သားလေးကို သန့်ရှင်းရေးလုပ်ပီး လာပြတယ်။ ဖွေးဖွေးကလေးချစ်စရာသားသားလေး။ နောက်ပြီး ဆရာဝန်တွေက သမီးခဏ အိပ်လိုက်ဆိုပီးပြောတာနဲ့ ကိုယ်လည်းအိပ်ပျော်သွားတာပဲ။ တစ်ခြားကမ္ဘာထဲရောက်နေသလိုပဲ အာရုံတွေကလည်နေတာ။ သတိပြန်ဝင်လာတော့ လျှာလေးအာလေးအသံကြီးနဲ့ အရင်ဆုံးမေးတာ သားသားလေးကျန်းမာလား၊ပေါင်ချိန်ဘယ်လောက်ရှိလဲပေါ့။ ဆရာမတွေလည်း ပြန်ဖြေရှာပါတယ် ၇ပေါင်နဲ့၅အောင်စ ရှိပါတယ်တဲ့။ တစ်ကယ်ပျော်တာပါ ကလေးပေါင်မပြည့်ရင် စိတ်ညစ်ရမှာလေ။ ဒါကြောင့် မေမေတွေလည်း ကိုယ်ဝန်ဆောင်ချိန်ကလေးလေးကျန်းမာအောင် အာဟာရပြည့်အောင်စားထားကြနော်။

နောက်တော့ ကိုယ့်ကို အခန်းထဲပြန်ခေါ်လာတယ်။ Special Nurse ငှါးချင်လည်းရတာမို့ ကိုယ်က သားဦးဆိုတော့ မလုပ်တတ်မကိုင်တတ်မို့ Day ရော Night ရောအတွက် ငှါးလိုက်တယ်။ (special nurse က package ထဲမပါပါဘူး။ optional ပါ။ မငှါးချင်လည်း Grand Hantha က အလှည့်ကျ nurse တွေကို လိုအပ်တိုင်း ခလုတ်နှိပ်ပီးခေါ်လို့ရပါတယ်။)

ခွဲပြီးတဲ့ရက် ဆီးပိုက်ကလည်းတန်းလန်းနဲ့ အရည်တစ်မျိုးပဲသောက်လို့ရတယ်။ လေလည်မှ အစာအပျော့လေးကစပီး စားလို့ရမှာမို့ အဲ့တစ်နေ့လုံးလည်း အရည်တွေပဲသောက်ရတယ်။ နောက်နေ့မနက်ရောက်တော့ ဆီးပိုက်ဖြုတ်တယ်။ လေလည်ပြီးဝမ်းလည်းသွားပီမို့ အစာစားလို့ရပီ။ လမ်းလည်း တတ်နိုင်သလောက်ထလျှောက်ပါတယ်။

ဗိုက်စည်းကိုတော့ခွဲပြီး ၂ ရက်နေ့မှစစီးပါတယ်။ ဗိုက်စည်း ဝတ်ထားတဲ့ချိန်ဆို တော်တော်လေးနေလို့ကောင်းတယ်။ ချုပ်ရိုးလည်း သိပ်နာတယ်မခံစားရဘူး။ OG ကအစပ်နဲ့တက်စာကလွဲရင်စားချင်တာအကုန်စားခိုင်းတယ်။

Package ထဲမှာ ကလေးတွက်ရောလူကြီးတွက် အကုန်ပါပါတယ်။

ကလေးခေါင်းအုံး/စောင်/ဖက်လုံး/အနှီး/ကလေးအင်္ကျီ/ဦးထုပ်/လက်အိတ်/သေးခံ Pad/wet tissue/ hand sanitizer/ တစ်ခါသုံးလက်အိတ် တွေပါပါတယ်။အနှီးပေးထားတာမလောက်ရင်လည်းထပ်တောင်းလို့ရပါတယ်။ ကလေး သန့်ရှင်းရေးလုပ်ဖို့အတွက်ဂွမ်းလုံးလေးရယ် တဘက်နုနုလေးတော့လိုတယ်။ လူနာစောင့်အတွက် ခေါင်းအုံးနဲ့စောင်က တစ်ခုပဲပေးတာမို့ နှစ်ယောက်စောင့်မယ်ဆိုရင် အပိုလေးတော့သယ်ရပါလိမ့်မယ်။ Room Service အနေနဲ့ အခန်းကိုနေ့တိုင်းသန့်ရှင်းရေးလုပ်ပေးတယ်။ တာဝန်ကျ nusre တွေကဆေးပုံမှန်လာတိုက်တယ်။ သွေးပေါင်ချိန်တယ်။ တာဝန်ကျဆရာဝန်မလေးတွေကလည်း အလှည့်ကျ လာပီးကြည့်ရှုပေးတယ်။ နို့တိုက်ပုံတိုက်နည်းလည်းသေချာသင်ပြပေးပေမယ့် ကိုယ့်အတွက်ကတော့ Breast feeding ကတော်တော်ကို challenging တစ်ခုပဲ။ ကိုယ့်ရဲ့ special nurse ကနေ့ရောညရော လူကြီးရောကလေးရောလိုလေသေးမရှိသေချာလေးဂရုစိုက်ပေးပါတယ်။နောက်ရက်တွေကျ ကြွက်သားလေ့ကျင်းခန်းလုပ်ဖို့အတွက် ဆရာမက လာသင်ပြပေးသေးတယ်။

သားလေးမွေးတဲ့ရက် ညနေလောက်ရောက်တော့ ကိတ်မုန့်နဲ့ ကလေးပစ္စည်းတွေကိုဆေးရုံက လက်ဆောင်လာပေးသွားတယ်။ မိသားစုပုံနဲ့ ကလေးပုံလေးကိုတော့ ဆေးရုံဆင်းမယ့်မနက်မှာလာရိုက်ပေးတယ်။

ဆေးရုံဆင်းမယ့်နေ့မှာ သားသားလေး နားအကြားအာရုံစစ်တယ်။ ကိုယ်က စိတ်ပူတတ်တော့ သားလေးက ကိုယ်ငွေ့လေးရှိနေတော့ ဖျားမဖျားသိချင်တာရယ်၊ အသားဝါ ရှိလားသိချင်တာရယ်ကြောင့် သားလေးကိုသွေးဖောက်စစ်ခိုင်းခဲ့တယ်။ ကံကောင်းလို့ သားသားလေးက အားလုံးအဆင်ပြေတော့ ဆေးရုံဆင်းလို့ရပီပေါ့။ မဆင်းခင် nurse leader အစ်မက မေမေဆေးရုံမှတ်တမ်း နဲ့ သားလေးမှတ်တမ်း ကိုအကုန်ရှင်းပြပေးပြီး သေချာ file ခွဲပီး လုပ်ပေးလိုက်တော့အရမ်းအဆင်ပြေတယ်။ ကာကွယ်ဆေးထိုးမှတ်တမ်းစာအုပ်၊ သားသားလေးခြေရာ ပါတဲ့ Birth certificate ထောက်ခံစာစာရွက်၊ တစ်ခြား Data တွေအကုန် collect လုပ်ထားတာ ပြန်ကြည့်ချင်တဲ့အချိန် ပြန်ကြည့်ရုံပဲ။ ခွဲတဲ့နေရာရဲ့ ချုပ်ရိုးချုပ်သားက အရမ်းကိုလက်ရာသေသပ်လွန်းတာ OG Dr. Hsu Myat Mon တော်လွန်းပါတယ်။

packgae + OG ခွဲခ + နောက်တိုးထပ်ဝယ်တဲ့ဆေးဖိုး + Special nurse ဖိုးစတာတွေကုန်ကျခဲ့တယ်။

၁ရက်နေ့ကဆေးရုံစတက်ပီး ၅ရက်နေ့မှာတော့ ဆေးရုံဆင်းခဲ့တယ်။

ချုံပြောရရင် ပေးရတဲ့ကုန်ကျစရိတ်နဲ့ ပြန်ရတဲ့ service က စိတ်ကျေနပ်မှုရရှိခဲ့ပါတယ်။

To GHIH OG Team/ Ward,

ဆေးရုံမှာနေခဲ့တဲ့ အတောအတွင်း စေတနာ မေတ္တာအပြည့်နဲ့ ပြုစုစောင့်ရှောက်ပေးခဲ့အတွက် ကျေးဇူးအထူးတင်ပါတယ်။ ငိုနေရင်လည်း ရီအောင်၊ စိတ်ဓာတ်ကျနေရင်လည်း သန်မာလာအောင် အမျိုးမျိုး အားပေးတဲ့ အတွက်လည်း ကျေးဇူးတင်ပါတယ်။

OG Team, OG Team ကနေ Ward ထဲ၊ မေ့ဆေးဆရာမကြီး၊ သမီးလေးကို မွေးပေးတဲ့ ဆရာမကြီး၊ ကလေးအထူးကုဆရာမကြီး၊ တွဲဖက်ကုသပေးတဲ့ အသည်း ဆရာဝန်ကြီး၊ သွေးရောဂါ  စစ်ဆေးကြည့်ရှုပေးတဲ့ ဆရာကြီးများ အပြင်

Ward ထဲရှိ တာဝန်ကျ MO များ၊ Nurse များ၊ Attendances များအားလုံးကို ရင်ထဲက တကယ် ကျေးဇူးတင်ပါတယ်။

နာမည်နဲ့ တစ်ယောက်ခြင်း မဖော်ပြနိုင်ပေမယ့် တစ်ယောက်ခြင်းစီကို ကျေးဇူးတင်ဂါဝရ တရားဖြင့် ဤကဒ်လေးဖြင့် ရေးပေးခဲ့ပါသည်။

                                             ပုံ/ မေမေ Ann, ဖေဖေ Harryသမီးလေး NoeNo နှင့် မိသားစုဝင်များ

                                                (Room No – 3141, From Nov21 to 27, 2022)

ဒီနေ့ Grand Hantha မှာခင်ပွန်း နဲ့တူတူ Medical Check Up သွားလုပ်တယ်….

က်ိုယ်က Queen Plus Package နဲ့ Check Upလုပ်တယ်..25% Discount ရှိနေတော့တန်တယ်….

အဲ့ဒါထက်ကိုပိုပြီးစိတ်ကျေနပ်မှုရတာက Hantha Prestige Care. ပါ…. .

ဘေးကနေပြီးဝန်ထမ်းတယောက်က စစ်ဆေးတဲ့နေရာတွေအကုန်လိုက်လုပ်ပေးတယ်…..အဖြေတွေလည်းတစ်ရက်ထဲနဲ့အပြီးလုပ်ပေးတယ်…ဆရာဝန် ၅ယောက်လောက်က စိတ်ရှည်လက်ရှည်ရှင်းပြဆွေးနွေးနားထောင်ပေးတာ အကြိုက်ဆုံးပဲ….ဟိုးအရင်ပြခဲ့တဲ့နေရာတွေကလိုဆရာဝန်မျက်နှာကြည့်ပြီးမြန်မြန်ပြောပြရတာတွေမရှိဘူး…ကိုယ်တော့သဘောကျတယ်…အဆာပြေBreakfast က လူနှစ်ယောက်စာ စားလို့ရတယ်…..ကိုယ်လုပ်တဲ့Queen Plus Package က လည်ပင်းအောက်ကနေ တကိုယ်လုံးနေရာထိစစ်တာ….သားအိမ်ခေါင်းကင်ဆာအပါအဝင်ရင်သားကင်ဆာ….ကင်ဆာအစုံစစ်တာ..အရိုးအပွအရိုးပါးအပါအဝင် နှလုံး စစ်တာ Echo. ရိုက်တာရော သွေး..ဆီး..ဝမ်း အစုံပါတယ်…ဒုတိယအကြိမ်မယ်Resultကလေးကတော့ စိတ်ချမ်းသာသွားရပါပီ.အားလုံးအဆင်ပြေတော့ okသွားပါပီရှင့်။

မွေးကတည်းက စိတ်လှုပ်ရှားမှုများစွာပေးတဲ့ သမီးလေး

မွေးရာပါ နှလုံးအပေါက် ၂ခု ပါလာတာ

ကံအကြောင်းကောင်းတော့ ရာသီဥတုအပြောင်းအလဲကြောင့်သာ ဖျားနာတတ်ပေမယ့် ပုံမှန်လိုပဲ သွားလာကျောင်းတတ်ဆော့ကစားနိုင်တော့ စိတ်နည်းနည်းအေးခဲ့ရပေမယ့် နှလုံးအပေါက်လေးတွေသာ သူ့အလိုလိုမပိတ်ခဲ့လျင် ဆိုတဲ့အတွေးက ခုလက်ရှိ နိုင်ငံအနေအထားနဲ့ ဘယ်လိုများကျော်လွှားရပါ့မလဲလို့ အဖေတစ်ယောက်အနေနဲ့ အမြဲကြံစည်တွေးတောပူပန်နေရတဲ့ အချိန်တွေ။

သမီးပြီးတော့ အဖွားဖြစ်သူကို Medical Check up လုပ်ရင်း အသက် ၆၆ နှစ်မှာမှ နှလုံးမှာ အပေါက်ပါတာကို တွေ့ပြီး ကုသရေးအတွက် နည်းလမ်းရှာချိန်မှာ

အမေက ဆီးချိုသွေးချိုရော ရောဂါစုံ ဖြစ်နေတော့ ဆရာဝန်တော်တော်များများက ခွဲစိတ်ကုသရေးကို လက်လျော့ထားရသူ။ သွေးကျဆေးတွေ ဆေးသိပ်မတိုးပဲ မောတဲ့ဝေဒနာသက်သာအောင် ညဘက် အိပ်ဆေးကူပြီးသက်သာအောင်နေရတဲ့ အမေ။ ဘယ်အချိန်မှာ နှလုံးသွေးခုန်နှုန်းတွေ ကပြောင်းကပြန်ဖြစ်ပြီး ဝေဒနာခံစားရမလဲလို့ ထုတ်မပြောရက်ပဲ စောင့်ကြည့်နေရတဲ့သူ။

အခုတော့ အလုံးတွေကျ မြေးအဘွား ၂ယောက်စလုံး ကံအကြောင်းတရားပါလာတော့ Grand Hantha International Hospital မှာ ဗီယက်နမ်က နာမည်ကျော် နှလုံးဆရာဝန်ကြီး Dr. Do Nguyen Tin ပြန်ပြီး ဆေးရုံထိုင်မယ်ဆိုတဲ့ သတင်းကို ဆေးရုံရဲ့ Page မှ တွေ့လိုက်လို့ အိမ်ကိုတောင် လှန်းမမေးတော့ပဲ Booking တင်ပြီး ရက်ချိန်းယူထားလိုက်တာပါ။

ပထမတော့ ဆရာနဲ့ပြပြီး အကြံဥာဏ်ယူရုံလောက်ပဲ စဥ်းစားထားပေမယ့် အကယ်၍များ ဆရာနဲ့အဆင်မပြေခဲ့လျင်ဆိုတဲ့ ဖိစီးမှုက ဆေးခန်းပြတဲ့အချိန်ထိ ဖိစီးခဲ့ရတာပါ။

Dr. Do နဲ့ ပထမပြတဲ့ရက်မှာ သမီးရော အမေဖြစ်သူအတွက်ပါ တခန်းဝင်တခန်းထွက် ဆရာနဲ့ရော ဆရာ့လက်ထောက်နဲ့ပါ တော်တော်ခင်မင်ခဲ့ပြီး သမီးရော အမေ့အတွက်ရော Operation အခက်အခဲလေးတွေကို ပြသနေတဲ့အချိန်မှာရော ဆရာတို့ဆေးခန်းကမပြန်ခင် လမ်းမှာတွေ့တဲ့အချိန်မှာရော မှတ်မှတ်ရရနဲ့ သေသေချာချာနွေးထွေးခင်မင်စွာ ရှင်းပြပေးပြီး ၂ယောက်စလုံးအတွက် စိတ်မပူဖို့ အတတ်နိုင်ဆုံး အကောင်းဆုံးဖြစ်အောင် ကြိုးစားပေးမယ်ဆိုတဲ့ အားပေးစကားတွေနဲ့တင် အားရှိခဲ့ရပါတယ်။

Operation လုပ်တဲ့ရက်မှာ သမီးအချိန်နဲ့ အမေအချိန်ကြား အဝင်အထွက်ကို ရင်ခုန်စိုးရိမ်မှုများစွာနဲ့ စောင့်ဆိုင်းနေရပေမယ့် ဆရာဒိုနဲ့လက်ထောက်ဆရာ၊ ဆရာဦးခင်မောင်ဦးတို့က အမြဲမပြတ် လာအားပေးပြီး Operation အောင်မြင်ပြီးမြောက်အောင် ဆောင်ရွက်ပေးခဲ့ကြလို့ သမီးနဲ့အမေတို့ရဲ့ အသက်သခင်ကျေးဇူးရှင်များအဖြစ်နဲ့ ဦးတင်ရှိခိုးမိပါတယ်။

ဆေးရုံတက်နေစဥ်အတွင်း မြေးအဘွား၂ယောက် တခန်းတည်း အဆင်ပြေပြေကျယ်ကျယ်ဝန်းဝန်းဖြစ်အောင် အချိန်တိုအတွင်းစီစဥ်ပေးကြတဲ့ ဆေးရုံကတာဝန်ရှိသူတွေကိုလည်း အထူးကျေးဇူးတင်ပါတယ်။ သေချာ ပျူငှာစွာ ဂရုစိုက်ကြတဲ့ တာဝန်ကျ ဆရာဝန်များနဲ့ဆရာမများ ဝန်ထမ်းများအားလုံးကိုလည်း လှိုက်လှိုက်လှည်းလှည်း မှတ်တမ်းတင်ကျေးဇူးတင်မိပါတယ်။

သတင်းစကားမေးကြတဲ့မိတ်ဆွေသဂ်ဟများကိုလည်း သတင်းကောင်းနဲ့အတူ ကျေးဇူးတင်စကားပြန်ကြားအပ်ပါတယ်။

စိတ်မပူကြပါနဲ့လို့ ဆေးရုံတတ်တာ

မဟုတ်ပါဘူး ။ Medical check -up လုပ်တာပါ။

ကိုယ့်လို စောင့်ရတာ ပျင်းတဲ့သူ တခုလေးပြလိုက် ဇိမ်လေးနဲ့ ကိုယ့်အခန်းလေးနဲ့ကိုယ် သီးသန့် နားချင်သူအတွက်တော့

Grand Hantha ဆေးရုံမှာ Hantha Prestige Care Service ယူတာ အရမ်းအဆင်ပြေတယ်။

ဘေးက လိုအပ်တာအတွက် အနီးကပ် တယောက်က အမြဲလိုက်ပေးတယ် ။ သူများနဲ့အတူ စောင့်ဆိုင်းပီး ပြစရာ မလိုဘူး။ ကိုယ်ပိုင်အခန်းကျယ်ကြီး နဲ့ သီးသန့်အေးဆေးနားနေလို့ရတယ်။ breakfast အတွက်လဲ အဆင်သင့် စီစဥ်ထားသေးတယ်။

အဖြေတွေလဲ တနေ့ထဲနဲ့ အပီးရတယ်။

ဆရာဝန်ကြီးတွေနဲ့လဲ အဖြေတခါထဲ ဆွေးနွေးသွားလို့ရတယ် ။ ကိုယ်တော့ ဒီဝန်ဆောင်မှု့ကို

တကယ် သဘောကျလို့ Review ပေးတာနော်။

ဆေးရုံ ဆေးခန်းမှာ ကိုယ့်လို စိတ်မရှည်လက်မရှည်နဲ့ အပျင်းလေးတွေအတွက် အရမ်း အဆင်ပြေ ကိုယ်ချင်းစာလို့ ပြန်လည်မျှဝေပေးတာပါ။

အာ့ဝန်ဆောင်မှု့ကို လိုချင်ရင် Medical check – up လုပ်တာရဲ့ကျသင့်ငွေထက်

၁ သိန်းလေးပဲ ထပ်ပေးရုံပဲနော်။ Hantha Prestige Care လေးနဲ့ Medical check -up လုပ်မယ်လို့သာ

ဘိုကင်တင်လိုက် အကုန်အေးဆေးပဲရယ်။

#ကျေးဇူးအထူးတင်ရှိပါကြောင်း

ဖွားဖွားရဲ့ 42 ရက် တိုက်ပွဲ

ဖွားဖွားရဲ့ တိုက်ပွဲ အောင်မြင်ခဲ့ပါပြီ။ ဆေးရုံတက်ခါစက အလွန်ဆိုးဝါးတဲ့ အခြေအနေကနေ ကျန်းမာစွာ အိမ်ပြန်ရတော့မယ်ဆိုတော့ အဖွားနှင့်မိသားစုများက အရမ်းပျော်နေပါတယ်။

ဆေးရုံတက်နေချိန် Emergency မှစ ဆေးရုံဆင်းချိန်အထိ စေတနာအပြည့်ဖြင့် ကုသပေးပါသော ဆရာမကြီး ဒေါက်တာဒေါ်သန်းသန်းအေး ၊ ဆရာကြီး ဒေါက်တာ ဦးထွန်းဦး ၊ ဆရာမကြီး ဒေါက်တာဒေါ်ခင်စမ်းအေး ၊ နှလုံးအထူးကုဆရာဒေါက်တာဦးနိုင်ဝင်းအောင် တို့နှင့်တကွ

အားငယ်တတ်သော အဖွားကို မငြီးမငြူအားပေးကြသော ကုသပေးကြသော တွဲဖက်ဆရာဝန်ဒေါက်တာဒေါ်မြတ်သက်ဖူး၊ ဒေါက်တာဦးပိုင်စိုးချစ် ၊ ဒေါက်တာဦးဝေယံ

ICU မှ ဆရာ ဆရာမများ

အခန်း 4093 တွင်နေထိုင်စဉ် မိသားစုကဲ့သို့ အဖွားကို ချစ်ခင်ကြင်နာပြီး အထူးအထူးဂရုစိုက်ပေးပါသော Section 4 D ward မှ တာဝန်ကျ ဆရာဝန်များ ၊ သူနာပြုဆရာ ဆရာမများ၊ ခန္ဓာကိုယ်ပြန်လည်သန်စွမ်းရေးအတွက် ကူညီပေးကြသော ဆရာဆရာမများ

အားလုံးအားလုံးကို အထူးပင်ကျေးဇူးတင်ရှိပါကြောင်း

အဖွားဒေါ်မြလင်းမေနှင့်မိသားစု(ဘားအံ)မှ လေးစားစွာပြောကြားအပ်ပါသည်။

ဂရန်း(ဒ်)ဟံသာဆေးရုံသို့ ကျေးဇူးတင်လွှာ

“ ကျွန်မသည် ချော်လဲကာ ခါးရိုးဆစ် ထိမိပြီး ဂရန်း(ဒ်)ဟံသာ ဆေးရုံရဲ့ အရေးပေါ်ဌာနသို့ ရောက်ရှိခဲ့ပါတယ်။ အရိုးဆရာဝန်ကြီး Dr.သန့်စင်နိုင်မှ အကောင်းဆုံး ခွဲစိတ်ကုသပေးခဲ့တယ်။ အရင်လေဖြတ်ဖူးတဲ့ ရောဂါ အခံလည်း ရှိထားတော့ ဆရာမ Dr.ဝင်းမင်းသစ်နဲ့ ကုသမှု ခံယူခဲ့ရတယ်။ ရင်ဘတ်တွေလည်း အောင့်၊ မောလည်း မောလာလို့ ဆေးစစ်ကြည့်တော့ နှလုံးသွေးကြော ၂ ချောင်းပိတ်နေတယ် ဆိုတာ သိရလို့ နှလုံးအထူးကု Dr.ရဲထွန်းနောင်က Stent ထည့် ကုသပေးတာ အောင်မြင်ခဲ့တယ်။ ဝမ်းထဲသွေးပါလို့လည်း Dr. ခင်စန်းအေး နဲ့ Scope ကြည့်ပီး ကုသမှု ခံယူခဲ့ရသေးတယ်။ ရင်သားမှာလည်း အကြိတ်လေးတွေ့တော့ ခွဲစိတ်ဆရာဝန်ကြီး Dr.ထွန်းဦးက အသားစယူ စစ်ဆေးပေးခဲ့တယ်။ နောက်ပြီး ကျွန်မနေမကောင်းဖြစ်စဥ် နေ့စဥ် လာရောက်ကြည့်ရှုစောင့်ရှောက်ပေးတဲ့ ဆရာမကြီး Dr.သန်းသန်းအေး၊ အရိုးအကြောအဆစ် ပြန်လည် သန်စွမ်းအောင် နေ့စဥ် လေ့ကျင့်ခန်းပြုလုပ်ရန် သင်ပြပေးပါသော ဆရာမ Dr.သန်းသန်းဌေး၊ ဆရာကြီး၊ဆရာမကြီးတို့ အားလုံးကို ကျေးဇူးအရမ်းတင်တယ်။

အားလုံးဝိုင်းဝန်းစောင့်ရှောက်ပေးကြလို့သာ ခုလို ဝေဒနာတွေ သက်သာလာတာ။ ကျွန်မ ၂ လတာ ဂရန်း(ဒ်)ဟံသာ ဆေးရုံကြီးမှာ ကုသမှု ခံယူခဲ့ရတယ်။ ခုတော့ အားလုံးသက်သာပြီး ဆေးရုံဆင်းနိုင်ပြီ။

ဂရန်း(ဒ်)ဟံသာဆေးရုံ 4B Counter မှ တာဝန်ကျ ဆရာဝန်၊ ဆရာမများကလည်း ဆေးရုံတက်နေစဥ်တစ်လျှောက် ဘာလိုလို အမြဲဂရုစိုက်ပေးကြလို့လည်း ကျေးဇူး အများကြီး တင်ပါတယ်။

သို့ / ဂရန်း(ဒ်)ဟံသာ ဆေးရုံကြီး

“ စိမ့်စမ်းမြောင် ဆရာတော်ဘုရားကြီး ဦးပညာဝံသ၏ သက်တော် (၁၀၀) တွင် Covid Omicron ရဲ့ နောက်ဆက်တွဲ ရောဂါဝေဒနာများ ခံစားရတော့ ပါမောက္ခဆရာမကြီး Dr.တင်တင်အောင်၏ လမ်းညွှန်ပေးမှုတို့ကြောင့် ဂရန်း(ဒ်)ဟံသာဆေးရုံရှိ ဆရာမကြီး Dr.သန်းသန်းအေး ဆီမှာ လာရောက်ပြသဖြစ်ခဲ့ပါတယ်။

ပါမောက္ခဆရာမကြီး Dr.သန်းသန်းအေး၊ Dr.အေးအေးစန်း၊ ဆရာကြီး Dr.ကောင်းထူးလွင် နှင့် ဂရန်း(ဒ်)ဟံသာဆေးရုံရှိ တာဝန်ကျ ဆရာဝန်၊ ဆရာမများ အားလုံးတို့ရဲ့ ဂရုတစိုက် ပြုစုစောင့်ရှောက်ပေးမှုတို့ကြောင့် ဆရာတော် ဘုရားကြီး၏ ရောဂါဝေဒနာများ သက်သာပျောက်ကင်းသွားပါပြီ။ အဆင့်မြင့် သောက်ဆေး၊ထိုးဆေးများ နှင့် အစွမ်းကုန် ကုသပေးမှုတို့ကြောင့် ဆရာတော်ကြီး၏ ဝေဒနာများ အချိန်တိုအတွင်း သက်သာပျောက်ကင်းသွားတဲ့ အတွက်ကြောင့် ဂရန်း(ဒ်)ဟံသာဆေးရုံမှ မင်းကွန်းသာသနာ့ရိပ်သာ (သထုံ) ကျောင်းတော်သို့ ကျန်းကျန်းမာမာဖြင့် ပြန်လည်ကြွမြန်းနိုင်ခဲ့ပါပြီ။ ဆရာမကြီး Dr.သန်းသန်းအေး၊ Dr.အေးအေးစန်း၊ ဆရာကြီး Dr.ကောင်းထူးလွင် နှင့် အာဟာရ ဆရာဝန် Dr.မေဖူးဇွန် နှင့် တကွ တာဝန်ကျ ဆရာဝန်၊ ဆရာမများ အားလုံးကို ဆရာတော် ဘုရားကြီးမှ ဝမ်းမြောက်ဝမ်းသာ သာဓုအနုမောဓနာ ခေါ်ဆိုပါတယ်။ “

တိပိဋကယောဆရာတော်ဘုရားရဲ့ ကျန်းမာရေးကို အထူးကုဆရာဝန်ကြီးများက ဦးဆောင်ပြီး ကျွန်တော်တို့ကပ္ပိယတွေနဲ့ အမြဲမပြတ် ထိတွေ့ကာ အကောင်းဆုံး လုပ်ဆောင်ပေးနေပါတယ်။ သက်တော် (၈၀) ထဲရောက်နေပြီမို့ ကျန်းမာရေးအတွက် ပိုပြီးဂရုစိုက်တဲ့ အနေနဲ့ ပြီးခဲ့တဲ့အပါတ်က ” ဂရန်းဟံသာဆေးရုံ ” မှာ နှစ်ရက်တက်ပြီး ကျန်းမာရေးစစ်ဆေးတာတွေ လုပ်ခဲ့ပါတယ်။ သက်ဆိုင်ရာ အထူးကုဆရာဝန်ကြီးတွေက ဆရာတော်ကြီးကို ကြည်ညိုလေးစားပြီး အထူးဂရုတစိုက် စစ်ဆေးကုသပေးမှုကြောင့် အောင်မြင်ထိရောက်ပြီး အကျိုးရှိခဲ့ပါတယ်။

ဆရာတော်ကြီးကို ” ဂရန်းဟံသာဆေးရုံ ” ပိုင်ရှင် ယုဇနကုမ္ပဏီဥက္ကဋ္ဌ ဝဏ္ဏကျော်ထင်ဦးဋ္ဌေးမြင့်ကလည်း ကိုယ်တိုင်လာရောက်ဖူးတွေ့ပြီး လိုအပ်တာမှန်သမျှ သူ့အနေနဲ့ ကုသိုလ်ယူပြီး စောင့်ရှောက်ခွင့်ပြုဖို့ လျှောက်ထားခဲ့ပါတယ်။ ဂရန်းဟံသာဆေးရုံရဲ့ တာဝန်ရှိအကြီးအကဲများ၊ ဆရာဝန်၊ သူနာပြု၊ ဝန်ထမ်းများအားလုံးကလည်း လိုလေသေးမရှိရအောင် ဝိုင်းပြီး ကုသိုလ်ယူကြပါတယ်။ ဆရာတော်ကြီးကို တစ်ရက်အခန်းခ (၁၂၀၀၀၀၀ ကျပ်) ကျတဲ့ (Presidential Hantha Suite) အခန်းမှာ ယာယီစံကျောင်းအဖြစ် သီတင်းသုံးစေပြီး ကျန်းမာရေးစစ်ဆေးမှုကုန်ကျစရိတ် (၃၄၀၀၃၄၃ ကျပ်) ကိုလည်း ဝဏ္ဏကျော်ထင်ဦးဋ္ဌေးမြင့်က ပေးလှူခဲ့ပါတယ်။ မနေ့က ဆရာတော်ကြီးကို ရွှေဥမင်ကနေ ပြန်မပင့်ခင်မှာ အားလုံးကို အသိပေးလျှောက်ထားတော့ ” ဘုန်းကြီးအိုကြီးက အထူးပဲကျေးဇူးတင် ဝမ်းမြောက်ပါတယ်၊ အားလုံးကိုလည်း မေတ္တာပို့ပေးနေပါတယ် ” လို့ မိန့်ပါတယ်။ (မှတ်တမ်းဓာတ်ပုံများမှာ မပါတဲ့ ပါမောက္ခဒေါက်တာတိုးလွင်၊ ပါမောက္ခဒေါက်တာဇော်သန်းထွန်း၊ ပါမောက္ခဒေါက်တာမိုးမြင့်အောင်နဲ့ အထူးကုဆရာဝန်ကြီးဒေါက်တာမြသက်နွယ်တို့ကလည်း ဆရာတော်ကြီးကျန်းမာရေးအတွက် အချိန်ပြည့် စောင့်ရှောက်ပေးခဲ့ပါတယ်။

October (၁) ရက်နေ့ မနက်ပိုင်းမှာ ကျွန်မရဲ့အဒေါ် ပြင်းထန်တဲ့ ဆီးလမ်းကြောင်းပိုးဝင်တဲ့ ဝေဒနာ ခံစားခဲ့ရပါတယ်။ အပြင်ဆေးခန်းတွေမှာ ဆရာဝန်တွေ ပြပြီးရင် ဟိုနေရာမှာစစ် ဒီနေရာမှာသွားစစ်ဒဏ်ကို လူကြီး (၁)ယောက် မခံစားနိုင်မှာစိုးလို့ ဒီဆေးရုံကြီးကိုပဲ တိုက်ရိုက်သွားဖို့ ကျွန်မဆုံးဖြတ်လိုက်မိတယ်။ တိုက်တိုက်ဆိုင်ဆိုင်ပဲ အဲ့ဒီ့အချိန်မှာ အမေရိကန်နိုင်ငံမှာ မြန်မာဆရာဝန်ကြီး (၁) ဦးဖြစ်တဲ့ ဆရာကြီးဒေါက်တာ ဦးမာင်မောင်မြင့် ဆီးနှင့်ကျောက်ကပ်ဆရာဝန်ကြီးသည် မြန်မာပြည် Grand Hantha ဆေးရုံကြီးမှာ လူနာကြည့်ဖို့ ရောက်နေတဲ့အချိန်နဲ့ ကြုံကြိုက်ခဲ့ပါတယ်။ အရမ်းကို ရွေးချယ်မှု မှန်ကန်ခဲ့ပါတယ်.….…

ဆရာဝန်ကြီးရဲ့ ဂရုစိုက်မှုတွေက အံ့မခန်းပါပဲ။ Emergency Room ထဲ အထိလာပြီး ကိုယ်တိုင် ကုသမှုပေးပြီးလူနာကို အစွမ်းကုန် ပြုစုစောင့်ရှောက်ပေးပါတယ်။

• Emergency Ward မှ ဆရာဝန်မလေးများ Nurse ဆရာမလေးများကလည်း အပြုံးတစ်ချက်မပျက်ပဲ လူနာကို ပြုစုစောင့်ရှောက်ပေးပါတယ်။
• အခန်းယူပြီး (၄) လွှာ (E) counter သို့ ပြောင်းရွှေ့တဲ့ အချိန်မှာလဲ (၄) လွှာမှ တာဝန်ကျဆရာဝန် ဆရာဝန်မလေးများရဲ့ ပြုစုစောင့်ရှောက်ပေးခြင်း၊ ဆရာဝန်ကြီး ဒေါက်တာ ဦးမောင်မောင်မြင့်ရဲ့ နွေးထွေးတဲ့အပြံုး လူနာအပေါ် မရွံရှာဘဲ ပြုစုစောင့်ရှောက်ပေးမှု အချိန်ပြည့်မိသားစုဝင်ပမာ Duty Off အချိန်တွေမှာလဲ တာဝန်ကျ MO အားဖုန်းဖြင့် contact လုပ်ဆက်သွယ် treatment ပေးခြင်းတွေက ကျွန်မ ဘဝမှာ တစ်ခါမှ မတွေ့ကြံုဖူးလောက်အောင်ပါပဲ။ ကိုယ်ပေးလိုက်ရတာက ငွေတစ်ခုထဲပါ ပြန်ရလိုက်တာက ကျွန်မရဲ့ပြန်ကျန်းမာနေကောင်းလာတဲ့ ချစ်ရတဲ့ အဒေါ်ရယ်၊လေးစားရတဲ့ ဆရာဝန်ကြီးရဲ့စေတနာတွေရယ်၊ တာဝန်ကျဆရာဝန် ဆရာမလေးများရဲ့ဂရုစိုက်တွေရယ်၊သန့်ရှုင်းသပ်ရပ်လွန်းတဲ့ ဆေးရုံရယ်ပါ။ October (၁) ရက်နေ့ကနေ October (၇) ရက်နေ့ ဆေးရုံက ဆင်းတဲ့ အချိန်အထိ ဆရာဝန်ကြီး ဒေါက်တာဦးမောင်မောင်မြင့် နှင့်တကွ ဂရန်း(ဒ်)ဟံသာဆေးရုံ တာဝန်ကျဆရာဝန် ဆရာဝန်မလေးးများ သူနာပြုဆရာမလေးများအားလုံးကို ဒီနေရာကနေ ကျေးဇူးအထူးတင်ရှိပါတယ်ရှင်….

ဂရန်း(ဒ်)ဟံသာ အင်တာနေရှင်နယ် ဆေးရုံကြီးမှ အရိုးရောဂါပညာ အထူးကုဆရာဝန်ကြီး တွဲဖက်ပါမောက္ခ ဒေါက်တာတင်ကိုကို   နှင့်တကွ ဆရာဝန်များ၊ ဆရာ၊ ဆရာမများ အာလုံးကို အထူးကျေးဇူးတင်ရှိပါတယ် ခင်ဗျာ။ ကျွန်တော်က ဘောလုံးကစားရင်းနဲ့ ဒူးအရွတ်ပြဲ ဒဏ်ရာ ရရှိခဲ့ပါတယ်။ ဒူးမခွဲခင်မှာ ပြန်ကောင်းပါ့မလား ဆိုတဲ့ အတွေးတွေ ဝင်နေခဲ့ ပါတယ်။ အခုတော့ ကျွန်တော် ဒူးခေါင်းခွဲစိတ်မှုက အောင်မြင်ပြီး ဒူးဒဏ်ရာကလည်း တော်တော် အဆင်ပြေပါတယ် ခင်ဗျာ။ ကျွန်တော် ဆေးရုံစတက်တဲ့ အချိန်ကနေ စပြီး ဆေးရုံကဆင်းတဲ့ အချိန်ထိ လိုလေသေးမရှိ ဂရုစိုက်ပေးပါသော  ဂရန်း(ဒ်)ဟံသာ ဆေးရုံမှ ဆရာဝန်များ သူနာပြုများနှင့် ဝန်ထမ်းများ တစ်ယောက်ချင်းစီတိုင်းကို အထူးပင်ကျေးဇူးတင်ရှိပါတယ် ခင်ဗျာ။ ကိုနန်းထိုက်ဇော် ဧရာဝတီ ယူနိုက်တက်  ဘောလုံးအသင်း

အားကစားသမားတွေမှာ အတွေ့ရများတဲ့ Anterior Cruciate Ligament (ACL) Tear လို့ခေါ်တဲ့ ဒူးအရွတ်ပြဲဒဏ်ရာ ရခဲ့တဲ့  ဧရာဝတီ ယူနိုက်တက်  ဘောလုံးအသင်းမှ ကစားသမား ကိုနန်းထိုက်ဇော် သည် ဂရန်း(ဒ်)ဟံသာ အင်တာနေရှင်နယ် ဆေးရုံကြီးတွင် တွဲဖက်ပါမောက္ခ ဒေါက်တာတင်ကိုကို ဦးဆောင်သော အဖွဲ့နှင့် Arthroscopic ACL Reconstruction (မှန်ပြောင်းအသုံးပြု၍ ACL အရွတ်ပြန်လည်တည်ဆောက်ခြင်း) ကုသမှုကို ခံယူခဲ့ပါသည်။  မှန်ပြောင်းအသုံးပြု၍ ခွဲစိတ်ခြင်းသည် ခွဲစိတ်ဒဏ်ရာ အသေးဆုံး၊ နာကျင်မှုအနည်းဆုံးနှင့် အမြန်ဆုံး နလန်ပြန်ထူနိုင်သော ခွဲစိတ်မှုဖြစ်ပါသည်။ ကိုနန်းထိုက်ဇော်လည်း အမြန်ဆုံး ပြန်လည်ကျန်းမာပြီး ဘောလုံးလေ့ကျင့်မှုများ ပြန်လည်ပြုလုပ်နိုင်ပါစေလို့ ဂရန်း(ဒ်)ဟံသာ အင်တာနေရှင်နယ်ဆေးရုံ မိသားစုမှ ဆုမွန်ကောင်း တောင်းလိုက်ပါတယ်။

ဇနီးဖြစ်နေသော Melanoma ကင်ဆာကုသမှု အတွေ့အကြုံပါ။

ထိုင်းနိုင်ငံရှိဆေးရုံမှာ (၂၀၁၇)မှာတစ်ကြိမ၊် (၂၀၁၉)မှာ တစ်ကြိမ် (၂)ကြိမ်ခွဲစိတ်မှုပြုလုပ်ခဲ့ပါတယ်။ဒါ့အပြင် လစဉ် ပုံမှန် Follow up လုပ်ဖို့အတွက်  (၃)နှစ်ခွဲအတွင်း ဒီဆေးရုံသို့ သွားရတာ အခေါက်အရေအတွက် မနည်းတော့ပါဘူး။

ဒုတိယအကြိမ်ခွဲပြီး (၄) လကြာတော့ ရောဂါပြန်ဖြစ်လာပါတယ်။ မျက်စိဆရာဝန်ထပ်ပြတော့ ကင်ဆာ ဆရာဝန်ဆီ ပုတ်ထုတ်လိုက်ပါတယ်။ (မြန်မာစကား “ပုတ်ထုတ် ” လိုက်တယ်လို့ရေးတာကို အမျိုးမျိုးတွေးဆလို့ရပါတယ်။ ပါးတစ်ဖက်ပျံ့နေလို့ခွဲစိတ်မပေးနိုင်တာပေါ့၊ တကယ်ခွဲလိုက်လို့ လူနာ အသက်ပါသွားရင် နာမည်ပျက်တော့မှာ စိုးရိမ်ကြတယ်။) စာရေးသူ ငွေသိန်း(1500) ကုန်သာသွားတာ ဇနီး မသက်သာလို့ စိတ်မချမ်းသာဖြစ်ခဲ့ပါတယ်။

ထိုင်းနိုင်ငံဆေးရုံက ဆရာဝန်က Chemothepy (6) cycle သွင်းခိုင်းလို့ သွင်းခဲ့တာ ဇနီးက လျော့မသက်သာတဲ့အပြင် PET CT ရိုက်တော့ပိုကြီးထွားလာခဲ့တယ်လေ။ ဇနီးအတွက် အချိန်ကုန်လူပင်ပန်း waste ဖြစ်သွားတာအဖက်တင်တယ်။

Covid ကလည်းဖြစ်နေ သွားဖို့လည်း အဆင်မပြေတော့ ထိုင်းနိုင်ငံက ကင်ဆာဆရာဝန်ကို video callနဲ့မေးရတော့ Immunotherapy (4) cycles ထပ်သွင်းခိုင်းလို့ ဝယ်ထားခဲ့ပါတယ်။ ဇနီးသည် တဖြေးဖြေးနာကျင်မှုဖြစ်နေတော့ စာရေးသူမှ ပြည်တွင်းက ENTခွဲစိတ်အထူးကု ဆရာဝန်ကြီး ပါမောက္ခ ဦးဘုန်းမြင့်ထွန်နဲ့ ပြခဲ့ပါတယ်။ ခွဲမှရမယ် ဆေးသွင်းလည်းမတိုးတော့ကြောင်း သူလုပ်ပေးနိုင်တယ်လို့ပြောတော့ ဇနီးကခွဲမယ်ဆိုပြီး ဆုံးဖြတ်ခဲ့တာပါ။

ထိုင်းနိုင်ငံဆေးရုံက မျက်စိဆရာဝန်တွေ ပုတ်ထုတ်လိုက်တာကို သူခွဲပေးနိုင်၊ သူလုပ်ပေးနိုင်တဲ့ ဆရာဝန်လက်ထဲ ခွဲရင်း အသက်ပါသွားနိုင်မှန်း စာရေးသူရော ဇနီးရော သိပါတယ်။ ENTခွဲစိတ်အထူးကု ဆရာဝန်ကြီး ပါမောက္ခ ဦးဘုန်းမြင့်ထွန်း(သင်္ဃန်းကျွန်းဆေးရုံ)၊ ပြုပြင်ကုသမှုခွဲစိတ်ဆရာဝန်ကြီး plastic Surgeon တွဲဖက်ပါမောက္ခဒေါ်မဉ္ဇူဝင်း(ရန်ကုန်ဆေးရုံကြီး)တို့ အဖွဲ့နှင့် ဇနီးကို Grand Hanthaဆေးရုံမှာ ခွဲချိန်(11) နာရီကြာအောင်မြင်အောင်ခွဲပေးကြပါတယ်။

ထိုင်းနိုင်ငံဆေးရုံက ခွဲစိတ်ဆရာဝန်တွေက ကင်ဆာအကျိတ်ပဲ ထုတ်ပစ်လိုက်တာ positiveပြန်ဖြစ်နိုင်တယ်။

ပြည်တွင်းက ENTခွဲစိတ်အထူးကု ဆရာဝန်ကြီး ပါမောက္ခ ဦးဘုန်းမြင့်ထွန်းနှင့် plastic Surgeon တွဲဖက်ပါမောက္ခဒေါ်မဉ္ဇူဝင်းတို့ ခွဲတာ အနားသတ်ကုန်အောင်ထုတ်ပစ်ပြီး negativeဖြစ်အောင်ခွဲခဲ့တာပါ။

ယခု ဇနီးသည်လူကောင်းအတိုင်း ခန္ဓာကိုယ်လည်ပတ်ပြီး ကောင်းမွန်နေပါပြီ၊ UK ကိုဆေးမှတ်တမ်းတွေ ပို့ထားတာ အကြောင်းပြန်စာမှာ Immunotherapy လည်းသွင်းစရာ မလိုတော့ကြောင်းပြောပါတယ်။

ပြည်တွင်းမှာ ထက်မြက်တဲ့ ဆရာဝန်တွေရှိပါတယ် စုံစမ်းပြီးသေချာ ကုကြပါ။ စာရေးသူဇနီးဖြစ်တုန်းက ကုပေးမည့်သူမရှိလို့ ပြည်ပထွက်ကုခဲ့တာပါ။ ပါမောက္ခဦးဘုန်းမြင့်ထွန်းနှင့် တွဲဖက်ပါမောက္ခဒေါ်မဉ္ဇူဝင်းတို့နဲ့ စောစောသိ၊ ထိတွေ့လိုက်ရင် မျက်ခုံးရိုး၊ သွား၊ သွားဖုံး၊ မျက်စိတွေ ဆုံးရှုံးမှာ မဟုတ်ပါ စောစောပျောက်သွားမှာပါ။

တကယ်လို့နိုင်ငံခြားဆေးရုံကခွဲပေးရင် နောက်ထပ် ငွေသိန်း(1000)အထက်ကုန်ပြီး အသက်ပြန်ပါချင်မှပါမှာပါ။

ဇနီးက သူ့ပုံကိုကြည့်သော သူ လန့်မှာဆိုးလို့ မတင်ခိုင်းလို့ပုံဆွဲတင်ပေးထားပါတယ်။ လူ့အသက်နဲ့ ပါးတခြမ်း ၊မျက်စိတွေလဲခဲ့ရပါတယ်။

ဇနီးကို လူ့အသက်က တန်ဖိုးရှိချိန် မျက်နှာ မျက်စိဆုံးရှုံးသွားလို့ အပြင်မထွက်ရဲတာတွေ မလုပ်ဖို့ သတ္တိရှိဖို့ပြောပါတယ်၊သူ့ထက်ဆိုးသောသူတွေတောင် လူ့ဘ၀ ရချိန်ကြံ့ခိုင်နေကြတာကိုပြောပြပါတယ်။

သူနားလည်တော့ ကားကိုယ်တိုင်ကားမောင်း ဈေးဝယ်ဖို့ပြောပြီးသားပါ၊ ဘေးကနေ စာရေးသူဖေးမလိုက်ပေးမှာပါ။

ကိကိ သဘောကျတဲ့ ဂရန်း(ဒ်)ဟံသာဆေးရုံမှာ မောင်လေး ဒိဒိကို မွေးခဲ့တယ်.

“ကိကိရဲ့မောင်လေး ဒိဒိကို (13.3.2020 ) က ဂရန်း(ဒ်)ဟံသာ အင်တာနေရှင်နယ်ဆေးရုံမှာ မွေးဖွားခဲ့ပါတယ်။ ဗိုက်နာလာလို့ သတ်မှတ်ရက်ထက် အနည်းငယ်စောပြီး မွေးလိုက်ရတာပါ။

Covid 19 အတွက် စိုးရိမ်ပူပန်နေရတဲ့ အချိန်ဆိုတော့ ဗိုက်နာလာတဲ့အချိန်မှာ ကိုယ်စိတ်ချ အားကိုးရတဲ့ ဂရန်း(ဒ်)ဟံသာကိုပဲ ပြေးသွားခဲ့ပါတယ်။ တစ်ကယ်ရောက်သွားတဲ့ အခါမှာလည်း မိသားစုရင်းလိုဂရုစိုက်ပေးခဲ့လို့ အဆင်ပြေချောမောစွာနဲ့ သားငယ်လေးကို သဘာဝအတိုင်း မွေးဖွားနိုင်ခဲ့ပါတယ်။

လစ်ဟင်းမှုမရှိအောင် အစစအရာရာဂရုတစိုက် ကူညီပေးကြတဲ့ Grand Hantha International Hospital မှ တာဝန်ရှိများအားလုံးကို ကျေးဇူးတင်ပါတယ်ရှင့် ”
ကိကိနှင့် ဒိဒိလေးတို့ မေမေ

လေးစားချစ်ခင်ရပါသော ဆရာကြီး ဂုဏ်ထူးဦးအောင်ခိုင်သည် ဂရန်း(ဒ်)ဟံသာ အင်တာနေရှင်နယ် ဆေးရုံကြီးတွင် အရိုးရောဂါပညာ အထူးကု ဆရာဝန်ကြီး တွဲဖက်ပါမောက္ခ ဒေါက်တာကျော်မင်းဦး ဦးဆောင်သော အဖွဲ့နှင့် Arthroscopic PCL Reconstruction (မှန်ပြောင်းအသုံးပြု၍ ဒူးခေါင်းရှိ PCL အရွတ်ပြန်လည်တည်ဆောက်ခြင်း) ကုသမှုကို ခံယူခဲ့ပါသည်။

ဆရာကြီးသည် ခွဲစိတ်ခန်း ဝင်နေစဉ်နှင့် ဆေးရုံတက်နေစဉ် ကာလတစ်လျှောက် အထူးကု ဆရာဝန်များ၊ တာဝန်ကျ ဆရာဝန်များ၊ သူနာပြုဆရာမများနှင့် ဂရန်း(ဒ်)ဟံသာ အင်တာနေရှင်နယ်ဆေးရုံမှ ဝန်ထမ်းများ၏ ဂရုစိုက်မှု၊ နွေးထွေးပျူငှာမှု၊ တာဝန်ကျေပွန်တို့ကို အထူး အသိအမှတ်ပြု၍ ယခုလို ချီးကျူးစကားများ ပြောကြားခဲ့ခြင်း အတွက်လည်း အထူးပင် ကျေးဇူးတင်ရှိပါသည်။

ဆရာကြီး ဂုဏ်ထူးဦးအောင်ခိုင်လည်း ကိုယ်၏ ကျန်းမာခြင်း၊ စိတ်၏ ချမ်းသာခြင်းနှင့် ပြည့်စုံပါစေကြောင်း ဂရန်း(ဒ်)ဟံသာ အင်တာနေရှင်နယ်ဆေးရုံ မိသားစုမှ ဆုမွန်ကောင်း တောင်းလိုက်ပါတယ်။

” Green. Grand. Care For The People “

Grand Hantha International Hospital
အမှတ် (၃)၊ နာနတ်တောလမ်းနှင့် ကြည့်မြင့်တိုင်လမ်းထောင့်၊ ကမာရွတ်မြို့နယ်၊ ရန်ကုန်မြို့။
01-2317617 , 01-523000 , 01-523111 (Ext-2120)

အခုလို Covid 19 ကြောင့် အသွားအလာ ခက်ခဲနေတဲ့ အချိန်မှာ ဂရန်း(ဒ်)ဟံသာ ဆေးရုံမှာ ခွဲစိတ်ကုသမှုလုပ်ရန် အတွက် ဆေးရုံရဲ့ Facebook messenger ကနေပဲ ဆက်သွယ်မေးမြန်း ခဲ့ပါတယ်။ Massage ကို လျင်လျင်မြန်မြန်ပဲ ဖြေကြားပေးတယ်။ ဆေးရုံတတ်မယ့် ကိစ္စတွေထိ ပါလာတော့ ဆေးရုံဘက်ကပဲ ဖုန်းခေါ်ပေးပြီး လူနာ လုပ်ချင်တာတွေ နဲ့ အဆင်ပြေမယ့် နည်းလမ်းတွေ အကြံပေးတယ်။ Booking တွေလည်း စီစဉ်ပေးပြီး အခက်အခဲ မရှိ ဆေးရုံတတ်နိုင်ခဲ့တယ်။ ခွဲစိတ်အထူးကု ဆရာဝန်ကြီး Prof ဦးထွန်းဦးနှင့်လည်းပြသပြီး လိုအပ်တဲ့ ခွဲစိတ်ကုသမှုကို လုပ်နိုင်ခဲ့ပါတယ်။ အခုလို လူနာလိုအပ်တဲ့ service ကို page massage ကနေတဆင့် လည်း သေသေချာ ဖြေကြားဆောင်ရွက်ပေးတာ၊ ဖုန်းခေါ်ပေးတာ၊ လိုအပ်တာတွေ လျင်လျင်မြန်မြန် ချိတ်ဆက် ဆောင်ရွက်ပေးတာကို အထူးပဲ အသိအမှတ်ပြုပါတယ်။

Dr Myint Thein Aung
General Physician
ရှင်သန်ဆေးရုံ၊ မိတ္ထီလာမြို့။

“Sharingပေးချင်တဲ့အချက်က သန့်ရှင်းသပ်ရပ်မှုနဲ့ ဝန်ဆောင်မှုကတော့ အေသင်အတွက် တကယ်ကို ကျေနပ်ခဲ့ရပါတယ်လို့”

ဒီနေ့ အေသင်ရဲ့ တစ်ဦးတည်းသော Ivyလေးအတွက် ကာကွယ်ဆေးတစ်ချို့ ထိုးပေးဖို့ Grand Hanthaဆေးရုံကို သွားရင်း Reviewမဟုတ်တဲ့ အတွေ့အကြုံလေးတစ်ခု Sharing လုပ်ပေးမယ်နော်
စဝင်လိုက်တာနဲ့ အသိသာဆုံးတစ်ချက်က သန့်ရှင်းသပ်ရပ် မှုပါ ကောင်တာကစလို့ ကြိုဆိုမှုအဆုံး တကယ်ကို ဖော်ရွေပါတယ်နော် များသောအားဖြင့် ဘေဘီလေးတွေက ဆေးရုံသွားတဲ့အခါ ပတ်ဝန်းကျင်ကို ကြောက်တတ်ကြသလို Ivy
လေးဆိုရင် ဆေးပါထိုးရမယ်ဆိုတော့ တော်တော်ကို
အေသင်စိုးရိမ်နေတာပါ
တကယ်လည်း ရောက်သွားကော ကစားကွင်းလေးထဲမှာ အရုပ်လေးတွေနဲ့ သီးသီးသန့်သန့်လေးဆိုတော့ Ivyလေး တို့ အကြိုက်ပေါ့နော် ဆေးထိုးလို့ပြီးသွားတာတောင် အပြန်
ဝင်ဆော့ချင်နေသေးတော့ သမောတီးလေးအတွက်
ထိုင်စောင့်ပေးဖြစ်နေပါသေး
ခဏလေး စောင့်နေရတဲ့အချိန်အတွင်း အေသင်လည်း ဗိုက် နည်းနည်းဆာလာတာနဲ့ အပြင်ထွက်ရှာရမလား မှတ်ပါ
တယ် Food_Courtကလည်း အဆင့်သင့်ပဲ အဲ့တော့ Sharingပေးချင်တဲ့အချက်က ဆေးရုံကို ဘေဘီလေးအတွက် လာကြမယ့် ဖေဖေ မေမေတို့အတွက်ကော တစ်ဦးတည်းသော မေမေတို့အတွက်ပါ သန့်ရှင်းသပ်ရပ်မုှနဲ့ ဝန်ဆောင်မှုကတော့ အေသင်အတွက် တကယ်ကို ကျေနပ်ခဲ့ရပါတယ်လို့ … Sharing Is Caringပါရှင် !

“တကယ်ကို အားလုံးကို ကျေးဇူးတင်ပါတယ်။ မြန်မာပြည်မှာ ဒီလို service မျိုး ရှိတာလဲ ဝမ်းသာမိပါတယ် private hospital တိုင်း ဒီလိုမလုပ်နိုင်ကြပါဘူး ဆက်လက်ထိန်းသိမ်းသွားနိုင်ပါစေ။”
17 Sep night shift ကျတဲ့ A&E မှ အရိုးအကြောအထူးကု Dr သန့်ဇင်နိုင်, Dr ဖြိုးသီဟ နှင့် MO များ nurse များ ဘေးမှ ကူညီပေးကြသောဝန်ထမ်းများ imaging department မှ radiographer များ /
၄လွှာ B ward မှ ဆရာဝန်များ nurseများ အကူ ညီမလေးများ အထူးသဖြင့် Group 3 မှ Dr Zarni Thynn Aung & staff များ ကို ဆေးရုံတက်နေစဉ်အစစအရာရာ ကူညီဖြည့်ဆည်းပေးခဲ့ကြတဲ့အတွက် ကျေးဇူးအထူးတင်ပါတယ်
နေမကောင်းနေတဲ့ patient တယောက်ကို ဆေးရုံမှာ နေရတာ စိတ်ချမ်းသာအောင် ဆက်ဆံပြောဆိုကူညီပေးခဲ့ကြတယ်
trolley / wheelchair လိုက်တွန်းပေးတဲ့ မောင်လေးတွေက အစ စကားစမြည်ဘေးက ပြောပေးပီး လူနာစိတ်သက်သာအောင် ကူညီပေးခဲ့ကြတယ်
တကယ်ကို အားလုံးကို ကျေးဇူးတင်ပါတယ် ဒီreview ကို သက်ဆိုင်ရာ departmentများ သိနိုင်ပါစေ မြန်မာပြည်မှာ ဒီလို service မျိုး ရှိတာလဲ ဝမ်းသာမိပါတယ် private hospital တိုင်း ဒီလိုမလုပ်နိုင်ကြပါဘူး ဆက်လက်ထိန်းသိမ်းသွားနိုင်ပါစေ
Kitchen အတွက် feedback ကတော့ Bf မှာ သောက်စရာcoffee /tea/ low fat milk တခုခုပါစေချင်တယ် afternoon snack အချိန်မှာ coffee ၂ထုပ် ထည့်ပေးမယ့်အစား bf မှာ တွဲဖက်သောက်စရာ တခုထည့်ပေးရင် လူနာတွေအတွက်ပိုအဆင်ပြေမယ် lunch နဲ့ dinner မှာလဲ အမြဲ အရွက်တမျိုး အသားတမျိုးတွဲရင်ပိုကောင်းမယ် ကျေးဇူးပါ

Grand Hanta International Hospital , Nurse station 4D မှ သူနာပြု အကူလေးများ , Floor Manager မအေးပွင့်ဖြူ 5.01.19 to 11.01.19 အထိ တာဝန်ကျ ဆရာဝန် ကလေးများနှင့် သူနာပြု အားလုံး သို့ ကျေးဇူးတင်လွှာ
ကျွန်မ မေမေ ဟာ သူမရဲ့ ကင်ဆာရောဂါအတွက် ဓါတ်ရောင်ခြည် ကုသမှုခံယူရန် ဖော်ပြပါ ဆေးရုံသို့ ဒီနှစ် နှစ်ဦး ဇန္နဝါရီလ ၅ ရက်နေ့ အခန်းအမှတ် 4115 မှာ စတင် တက်ရောက်ခဲ့ရပါတယ်
တညမှာ လူနာ မေမေမှညနက်မှtaxi နဲ့ပြန်မဲ့ ဖေဖေ့ကို စိတ်မချတဲ့အတွက် ဖေဖေ့ကိုယ်ပေါ်မှာဝတ်ဆင်ထားခဲ့တဲ့ ကာလတန်ဖိုး ၁၅ သိန်းခန့်ရှိ ရွှေဆွဲကြိုးနဲ့လက်စွပ်ကို ဖြုတ်ယူသိမ်းဆည်းပြီး အနားရှိ tissue နှင့်အထုပ်ငယ် သဖွယ်ထုပ်ကာ ခေါင်းအုံးအောက် တွင် ထားရှိအိပ်စက်ခဲ့ပါတယ်
နောက်တနေ့ နံနက် အိပ်ရာခင်းများမလဲမှီ ပြန်လည် သိမ်းဆည်းရန်ရှာဖွေရာ ခေါင်းအုံးအောက်တွင်သာမက တခန်းလုံးအနှံ့ ရှာဖွေပါသော်လည်း မတွေ့ရတော့ပါ
ဖြစ်နိုင်ချေရှိသည်မှာ tissue အထုပ်ငယ်ကို ကျွန်မက အမှိုက်ပုံးထဲသို့ ပစ်လိုက်မိဟန်တူပါသည်
အိပ်ရာခင်းလာလဲပေးသော သူနာပြုအကူလေးများမှ ကူညီရှာဖွေပေးပါသောလည်း house keeping တာဝန်ကျ ဝန်ထမ်းကလေးများက အခန်းအား သန့်ရှင်းရေး ပြုလုပ်ပြီး အမှိုက်များအားလုံး လွှင့်ပစ် ပြီး ဖြစ်သဖြင့် ရှာလို့မတွေ့တော့ပါ
ကျွန်မ မှ သူနာပြုအကူလေးများအား သန့်ရှင်းရေး ဝန်ထမ်းလေးများကို သတိတချက်ပေးလိုက်ရန် နှင့် ဒီအတိုင်း အမှိုက်ထဲပါ ဆုံးရှုံးသွားရမည့်အစား မည်သူတွေ့တွေ့ ယူလိုက ယူနိုင်ကြောင်း ပြန်ပေးချင်လည်းပေးနိုင်ကြောင်း ပြောပြခဲ့ပါသည်
မည်သူမျှ အားတိုင်ကြားရန် ပြန်လည်ရှာဖွေပေးရန် ခိုင်းစေခြင်းမပြုခဲ့ပါ
သို့ပါသော်လည်း သူနာပြုအကူလေးများအဖွဲ့က သူမတို့ Floor Manager မအေးပွင့်ဖြူထံသို့ အကြောင်းကြားပေးခဲ့ပြီး သူမကိုယ်တိုင် အခန်းတွင်းသို့ လာရောက်တွေ့ဆုံကာ အမှိုက်စစ်ကန်ထဲမှ တတ်နိုင်သလောက် ပြန်ရှာပေးရန် တာဝန်ပေးခဲ့သလို အခန်းတွင်းနှံ့စပ်စွာ ပြန်လည်ရှာဖွေရန် သူနာပြုအကူ သမီးငယ် ၃,၄ ယောက်အားလည်း ပို့ပေးခဲ့ပါသည်
ထို သူနာပြုအကူ ၃ ယောက်မှ လူနာကုတင် ခေါင်းအုံးအောက်မှ တိုလီမိုလီ ပစ္စည်းများ ကုတင်ဘေး ဆေးဘီရိုငယ် အတွင်း သေချာစွာ ရှာဖွေပေးရာမှ ဆေးဗူးငယ်အတွင်း ဆေးထုပ်ပေးလေ့ရှိသော zip lock အိပ်ငယ် ထဲမှ tissue နှင့်သေချာစွာထုပ်ထားသော ရွှေဆွဲကြိုးနှင့် လက်စွပ်အား ဝမ်းသာအားရ ရှာဖွေတွေ့ရှိ ပြန်လည်ပေးအပ်ခဲ့ပါသည်
မေမေ အထားမှားခြင်းကြောင့် လူများစွာ တာဝန် ပို ခဲ့ရသည် ကို တောင်းပန်ရင်း မိမိတာဝန်ကို အလွန်ကျေပြွန်ခဲ့ကြသော nurse aid လေးမျာ: floor manager မအေးပွင့်ဖြူ အမြဲတမ်း အကူအညီပေးခဲ့ကြသော တာဝန်ကျ nurse နှင့် MO များအားလုံးအား အခုစာစုဖြင့် ချီးကျူး ဂုဏ်ပြု အပ်ပါသည်။

အဆုတ်ကင်ဆာ ခွဲစိတ်ဖို့ လိုတဲ့ လူနာ များနဲ့ ပါတ်သက်လို့ post လေးတခု တင်ချင်ပါတယ်။
ကျွန်မ အမျိုးသားက 2017 October မှာ လျှာက အကြိတ်ကို ခွဲထုတ် အသားအစားထိုးပြီး၊ radition အကြိမ် ၃၀၊ chemo၆ ကြိမ်ပြီးလို့ တနှစ်ပြည့်တဲ့ အချိန်၊ 2018 October လ pet scan နဲ့ ပြန်စစ်ကြည့် တဲ့ အခါမှာ အဆုတ်မှာ spot စတွေ့ပါတယ်။
၃လ စောင့်ကြည့်ပြီး ဖေဖေါ်ဝါရီလမှာ CT Scan ရိုက်တဲ့ အခါ ၃ဆလောက် ကြီးလာလို့ အသားစ စစ်ဖို့ ပြောပါတယ်။
အဲဒီ အခါမှာ အမျိုးသားက လေယာဉ်ပျံ လုံးဝ မစီးချင်တဲ့ ပြဿနာနဲ့ အခေါက်ခေါက် အခါခါ လာရလို့ ဆိုပြီး မြန်မာပြည် မှာဘဲ treatment တခုခု ဆက်ယူမယ် ဒီမှာတော့ မစစ်တော့ဘူး လုပ်ပါတော့တယ်။ အဲဒါနဲ့ ရန်ကုန်ပြန်လာပြီး ဒေါက်တာ ဒေါ်ရှုမွန် နဲ့ ပြပါတယ်။ ဆရာမကြီးက အသားစ ယူဖို့ မဖြစ်မနေ လိုအပ်ကြောင်း အသေအချာ ရှင်းပြတော့ မှဘဲ အသားစ တခါ သွားပြန်ယူရပြန်ပါတယ်။
အသားစထုတ် စစ်တော့ လျှာမှာ ဖြစ်ခဲ့တဲ့ cancer cell နဲ့တူနေပါတယ်တဲ့။ ဒီတော့ အမြန်ဆုံး ခွဲထုတ်တာကို အရင်လုပ်ရမယ် ဆိုတဲ့ အဖြေကိုဘဲ Bumrungrad က ဆရာဝန်တွေက ပေးပါတယ်။ ခွဲတဲ့ နည်း ၂ မျိုး နဲ့ ခွဲလို့ရတယ်။ Open thoracotomy ဖွင့်ခွဲတာနဲ့ Laparoscopic treatment မှန်ပြောင်းနဲ့ ခွဲတာ ၂ မျိုး ရှိပြီး အားသာချက် အားနဲချက်တွေကို သိလာရပါတော့တယ်။
အဲဒါနဲ့ ဘဲ ရန်ကုန်ပြန်လာ၊ ဆရာမကြီးနဲ့ ပြန်ပြတော့ ဒီအခြေအနေက ခွဲတာကသာ အကောင်းဆုံး လို့ ပြောပါတယ်။ အမျိုးသားကတော့ လုံးဝ မခွဲချင်တဲ့သူ ဆိုတော့ ပင်လုံက ဆရာ ဦးမင်းဒင် ကို တခါ သွားပြ ပြန်ပါတယ်။ ဆရာကလဲ ခု အခြေအနေက ခွဲထုတ်လိုက်ရင် အကောင်းဆုံးဖြစ်ကြောင်းကို သေသေချာချာကို ရှင်းပြပါတယ်။ အဲဒီတော့မှဘဲ laparoscopic နဲ့ဆို ခွဲမယ်ဆိုပြီး ဖြစ်ပါတော့တယ်။
ဇာတ်လမ်းက အဲဒီတော့မှ စတာပါ။ ခွဲတာကတော့ ဟုတ်ပါပြီ၊ ဘယ်မှာခွဲမလဲ၊ ဘယ်လောက် ကုန်မလဲ ဆိုတာကို စုံစမ်းရပါတော့တယ်။
ခွဲစိတ်ခတွေ စုံစမ်းလိုက်တော့ ဘန်ကောက်မှာတင် ဆေးရုံကို လိုက်ပြီး ကုန်ကျ စားရိတ်တွေက ၂ဆလောက်ကို ကွာသွားပြန်ပါတယ်။
အမျိုးသားကလဲ ရန်ကုန်မှာဘဲ ခွဲမယ်ဆိုတော့ laparoscopic နည်းပညာနဲ့ ခွဲတဲ့ ဆရာဝန် ရန်ကုန်မှာ ရှိလားရှာရပါတော့တယ်။ အဲဒီမှာ ချစ်ခင်သူ မိတ်ဆွေများရဲ့ စောင့်ရှောက်ကူညီမှုနဲ့ ဒေါက်တာ လွှမ်းမိုးထက် ရှိတာကို သိရပါတယ်။
Grand Hantha ဆေးရုံမှာ ဆရာနဲ့ appointment လုပ်၊ တွေ့ဆုံ ဆွေးနွေး ပြီးချိန်မှာတော့ အမျိုးသားရော ကိုယ်ပါ ခွဲစိတ်ဖို့ ယုံကြည်ချက် အပြည့်အဝ ရရှိခဲ့ပါတယ်။
ဒါကြောင့် စနေနေ့ Grand Hantha မှာ ဆေးရုံတက်၊ တနင်္ဂနွေ မနက်ပိုင်းခွဲပြီး HDU ထဲ တရက်နေ၊ တနင်္လာနေ့ အခန်းပြန်ပြီး အင်္ဂါနေ့ ဆင်းခဲ့ရပါတယ်။ Recovery အရမ်းကို မြန်ပြီး လူလဲ တော်တော် သက်သာပါတယ်။ တကယ်လို့ Bangkok မှာခွဲလဲ ဒီလိုဘဲခွဲပြီး ဒီလောက်ရက်ဘဲ ကြာမယ်ဆိုတာ Bangkok estimate cost အရ သိရပါတယ်။
ခုတော့ လေယဉ်ပျံစီးစရာမလိုဘဲ ကိုယ့်တိုင်းပြည်၊ ကိုယ့်မိသားစုမိတ်ဆွေတွေကြား ဘာသာစကားအခက်အခဲမရှိ၊ ကုန်ကျ စားရိတ် အနဲဆုံးနဲ့ အောင်မြင်စွာ ခွဲစိတ်နိုင်ခဲ့တဲ့အတွက်
လူနာအတွက် လုပ်သင့်တာကို စဉ်းစားပြီး မဖြစ်မနေခွဲဖို့ အကြံဉာဏ်ပေးတဲ့ ဒေါက်တာ ဒေါ်ရှုမွန် နဲ့ ဒေါက်တာ ဦးမင်းဒင် ကိုလည်းကောင်း
စိတ်စေတနာ အပြည့်ဖြင့် ခွဲစိတ်ပေးပါသော ဒါက်တာလွှမ်းမိုထက်၊ ဒေါက်တာ စုစုမြတ် နှင့် grand hantha ဆေးရုံကြီးမှ တာဝန်ရှိသူများအားလုံးကို လည်းကောင်း ကျေးဇူးအထူးတင်ရှိပါတယ်ရှင်။
ဒီ post ကို ရေးရတာကတော့ ကိုယ့်တိုင်းပြည်က ကိုယ့်ဆရာဝန်တွေလဲ ခေသူမဟုတ်တွေ ဖြစ်ရဲ့နဲ့ ပညာစွမ်းတွေ မပြနိုင်၊ လူနာတွေကလဲ မသိနိုင်၊ အနာနဲ့ ဆေးမတွေ့ ဖြစ်နေကြတာကို အားမလို အားမရ ဖြစ်မိတာရယ်၊ ကိုယ့်လိုဘဲ အဆုတ်နဲ့ ပါတ်သက်လို့ ဥဏှောက်ခြောက်အောင် စဉ်းစားရှာဖွေနေသူတွေ အတွက်ရယ် ရေးလိုက်ပါတယ်။
ရောဂါ ဖြစ်သူတိုင်း အနာ နဲ့ ဆေး တွေ့ပြီး ပျောက်ကင်းချမ်းသာကြပါစေ။ — feeling satisfied at Grand Hantha International Hospital.

This is a long-overdue review since last year after my son delivery but couldn’t get to it. Now that I just have my baby girl again here, I couldn’t wait anymore to rave about this hospital.

1) The facility is as clean as last year which is not the case usually in Myanmar. Good maintenance …I guess.

2) The management is on point…thanks for following up with us all the time to make sure we are OK.

3) The arrangement for delivery is so smooth, even with the OG who is not on their usual doctors. All I have to do is give the contact of my OG and done. Everything was taken care off.

4) The nurses…they were there last year and again this year with more experience. Feel like home with them…except…the special nurses…they need to do more screening to be consistent.

5) Love that I don’t need to bring anything for my Delivery, all I have to do is get the packaged room and everything was provided for unlimited.

November 16, 2018

“All of them are the definition of an excellent, super caring team!!! Their kindness and smiles do not go unnoticed and are very appreciated. “

“ဆေးရုံပိုင်ရှင်ဘယ်သူဆိုတာလည်း ကိုယ်မသိပါဘူး။ မေးလည်းမမေးမိဘူး။ ဒါပေမဲ့ ဒီလို အရည်အချင်းပြည့်ဝတဲ့ ဝန်ထမ်းကောင်းတွေရထားတယ်ဆိုတာကတော့ အရမ်းကံကောင်းတယ်လို့ ပြောချင်ပါတယ်။ နောက်လည်း မိတ်ဆွေတွေမေးလာခဲ့ရင် Grand Hantha ကိုပဲ ညွှန်ပါမယ်။”

Everyone was so friendly, welcoming & made us feel at ease …They even joked with my Husband to lighten up the tension… I give this hospital Top#1 care… They all showed an amazing amount of compassion and it was recognized and appreciated by all of the family. They are great communicators and provide the necessary information to perform an effective treatment. All of them are the definition of an excellent, super caring team!!! Their kindness and smiles do not go unnoticed and are very appreciated. Thank you team

နေခြည့်အမျိုးသားရဲ့ ကျန်းမာရေးအခြေအနေအရ အသေးစားခွဲစိတ်ဖို့ ဖြစ်လာတဲ့အခါ ဆရာကြီး ဦးထွန်းဦး ထိုင်တဲ့ Grand Hantha International hospital နဲ့ တခြားဆေးရုံတရုံ ကိုယှဉ်ပြီး ရွေးခိုင်းတော့ Grand Hantha ကိုရွေးခြယ်ဖြစ်ခဲ့တယ်။

ဆေးရုံကိုလာပြီးစုံစမ်းတဲ့နေ့မှာပဲ admission ကညီမလေးတွေက သေချာရှင်းပြတဲ့အပြင် ၄လွှာ Ward ထဲက ညီမလေးနဲ့ မောင်လေးတယောက်က အင်မတန်ဂျီဂျောင်ကျတဲ့ ကိုယ့်ကို အခန်းတွေကို သေချာလိုက်ပြ စျေးနှုန်းတွေကွာခြားမှု နဲ့ အခန်းတွေကို စိတ်ရှည်ရှည်နဲ့ ရှင်းပြပါတယ်။ ( ဒီကိုမလာခင် ဆေးရုံတခုမှာ စုံစမ်းတုန်းက အခန်းတွေကြည့်ချင်တယ်ပြောတော့ ခပ်ဆတ်ဆတ်ပြန်ပြောတယ် ဓါတ်ပုံပဲ ပြနိုင်ပါမယ်တဲ့ ) အခုလို အခန်းတွေကို သေချာလိုက်ပြပေးပြီး စိတ်ကြိုက် ရွေးခြယ်ခွင့်ပေးတာ အရမ်းအဆင်ပြေတဲ့ ဝန်ဆောင်မှုပါ။ အခန်းတွေက သန့်ရှင်းသပ်ရပ်နေတဲ့အပြင် အန့ံအသက်လည်းကောင်းတယ်။ အထူးသဖြင့် အိမ်သာ ရေချိုးခန်းက ဆေးရုံနဲ့မတူ ဟိုတယ်ပုံစံမျိုးလုပ်ထားတာကို အရမ်းသဘောကျတယ်။

ဆေးရုံတက်တဲ့နေ့မှာ ညရနာရီလောက်ရောက်လာတဲ့အခါ Ward ထဲက ဆရာဝန် ဆရာမ တွေနဲ့ နစ့် ညီမလေးကြိုဆိုပုံက ဆေးရုံလာတက်တာနဲ့မတူပဲ ဟိုတယ်မှာလာတည်းသလို ကြိုဆိုမှူမျိုးနဲ့ပါ။ ဆေးရုံစတက်ပြီး ခွဲစိတ်ခန်းဝင်ပြီးတဲ့အထိ အစစ အရာရာ အရမ်းအဆင်ပြေ စိတ်ချမ်းသာရပါတယ်။ ဆရာဝန်တွေ ဆရာမတွေ သန့်ရှင်းရေး ဝန်ထမ်းတွေ စေတနာနဲ့ အလုပ်လုပ်မှန်းအရမ်းသိသာပါတယ်။ စကားအပြောအဆိုကအစ ဆေးစမ်းတာ ဆေးထိုး ဆေးတိုက်တာက အစ အရမ်းနူးည့ံပါတယ်။ အထူးသဖြင့်…..

စုံစမ်းတဲ့နေ့ (16.7.2018 about 9pm) လောက်က ခွဲစိတ်ခန်း form ဖြည့်ပေးပြီး သေချာရှင်းပြပေးတဲ့ ဆရာဝန် ညီမလေး ( နာမည်တော့ မမေးခဲ့မိလိုက်ဘူး ) မျက်နှာလေးကို ချိုနေတာပဲ။ သူ့မျက်နှာမြင်တာနဲ့ စိတ်ချမ်းသာတယ် ⭐️⭐️⭐️⭐️⭐️

ဆေးရုံတက်တဲ့နေ့ (20.7.2018 about 9:30pm) လောက်က ဆေးစမ်းတဲ့ အချိန်မှာ ခွဲစိတ်မှု တခါမှ မလုပ်ဘူးတဲ့ အမျိုးသားကို သေချာရှင်းပြ နောက်ဆုံး ခွဲခန်းဝင်ရင် အထဲမှာ ဘယ် operation theatre နဲ့မှ မတူအောင် လုပ်ထားကြောင်း ဘယ်လိုအဆင့်မှီကြောင်း ပြောပြလို့ ကိုယ်တောင်အမျိုးသားကို သေချာကြည့်ပြီး ပြန်ပြောပြနော်လို့ မှာလိုက်ရပါသေးတယ်။ ခွဲခန်းကထွက်လာပြီး မနက်မှာလည်း သေချာ ဂရုတစိုက် ဆေးထိုး ဆေးထည့် လုပ်ပေးတဲ့ ဆရာဦးအေးဝင်း

ခွဲပြီးတဲ့ညက အမျိုးသားဆေးပုလင်းကုန်သွားလို့ လာဖြုတ်ပေးတဲ့ ညီမလေး၊ ဘာလိုလို သူကပဲ ပြေးပြေးလာရှာတယ် ( အဲနေ့ကတွေ့ပြီး နောက်နေ့တွေ မမြင်ရလို့ နာမည် မမေးလိုက်မိဘူး ) uniform ကအကျီ အပွင့်လေးဝတ်ထားတယ်

ခွဲတဲ့နေ့ညက တာဝန်ကျတဲ့ ဆရာဝန်မောင်လေး အရပ်ရှည်ရှည် အသားဖြူဖြူ (နာမည် မမေးလိုက်မိလို့ ) ခွဲပြီးနောက်နေ့ တာဝန်ကျတဲ့ ဆရာဝန် ကိုပိုင်စိုးချစ် ကိုဖြိုးအေး ခွဲပြီးနောက်တရက်တာဝန်ကျတဲ့ မောင်လေး အောင်ပြည့်ဖြိုးကျော် အရမ်းကိုတာဝန်ကျေလွန်းတယ် လိုအပ်တာ အားလုံးလုပ်ပေးတာ အားနာရတဲ့ အထိပါပဲ။

(22.7.2018) နေ့ တာဝန်ကျတဲ့ ဆရာဝန်လေး မစုပြည့် နည်းနည်းလေးပြောပြတာနဲ့ ချက်ချင်းရောက်လာ ဆွေးနွေး ချက်ချင်း စမ်းသပ် ချက်ချင်းလိုအပ်တဲ့ treatment ပေးတာ။

အဆင်ပြေလား လိုအပ်တာရှိရင် အချိန်မရွေး ပြောပါလို့ လာအားပေးတဲ့ Manager Dr.Aye Pwint Phyu ကား parking ကအစအရမ်းအဆင်ပြေ စိတ်ချမ်းသာရပါတယ်။

ဆေးရုံပိုင်ရှင်ဘယ်သူဆိုတာလည်း ကိုယ်မသိပါဘူး။ မေးလည်းမမေးမိဘူး။ ဒါပေမဲ့ ဒီလို အရည်အချင်းပြည့်ဝတဲ့ ဝန်ထမ်းကောင်းတွေရထားတယ်ဆိုတာကတော့ အရမ်းကံကောင်းတယ်လို့ ပြောချင်ပါတယ်။ နောက်လည်း မိတ်ဆွေတွေမေးလာခဲ့ရင် Grand Hantha ကိုပဲ ညွှန်ပါမယ်။

July 2, 2018

မနေ့က ကျွန်မ အမျိုးသား ဗိုက်အောင့်ပြီး Shock ရချင်သလို ဖြစ်တာနဲ့ ဆရာမ ပါမောက္ခဒေါ်သန်းသန်းအေးနဲ့ ပြဖို့ Grand Hantha ဆေးရုံ ရောက်သွားပါတယ်။ ဆရာမက ကျွန်မအမျိုးသားကို စမ်းသပ်ပြီး ရောဂါရာဇဝင်မေးလိုက်တာနဲ့ ဘာဆိုတာ သူ ခန့်မှန်းပါတယ်။ ဗိုက်အောင့် သက်သာအောင် ဆေးကို ကြိုသောက်ဖို့ ပေးပါတယ်။ သေချာအောင် စစ်ဆေးချက်တွေ လုပ်ခိုင်းပါတယ်။ အဲဒီနေ့မှာပဲ စမ်းသပ်စစ်ဆေးပြီး အဖြေရတော့ ဆရာမ ခန့်မှန်းထားတဲ့အတိုင်းပါပဲ။ ဆေးလည်း One course ၀င်ထားပြီးဖြစ်လို့ ကျွန်မအမျိုးသားလည်း တော်တော်သက်သာနေပါပြီ။ ကျေးဇူးအထူးတင်ရှိပါတယ်။ ဆေးရုံရဲ့  ၀န်ဆောင်မှုကော   ရောဂါစစ်ဆေးတဲ့ စက်ပစ္စည်းတွေအတွက်ပါ စိတ်ကျေနပ်မှုရရှိခဲ့ပါတယ်။ ဆရာမကြီးကိုကော ဆေးရုံဝန်ထမ်းတွေကိုပါ ကျေးဇူးအထူးတင်ရှိပါတယ်ရှင့်  (အပြုသဘောနဲ့ အကြံပြုချင်တာက Service Counter တစ်ခုနဲ့ တစ်ခု ဝေးတော့ ဘယ်သွားရမှန်းမသိတဲ့ လူနာရှင်တွေများပါတယ်။ အဲဒီအတွက် ၀န်ထမ်းတစ်ယောက်က တာဝန်ယူပြီး လိုက်ပို့ပေးရင် ပိုအဆင်ပြေမယ် ထင်ပါတယ်။)

“(၃)လခန့် ဇွဲမလျှော့ပဲ ကြိုးစားလေ့ကျင့်ပြီးနောက်ပိုင်းမှာ တိုးတက်မှု သိသိသာသာရရှိခဲ့ပြီး ယခုအခါတွင် တစ်ချောင်းထောက်ဒုတ်ကောက်အား အသုံးပြုပြီး မိမိဘာသာ လမ်းလျှောက်နိုင်နေပြီ ဖြစ်ပါတယ်။”

မင်္ဂလာပါခင်ဗျာ ကျွန်တော့်နာမည် မောင်ဝင်းသုတထွဋ်ပါ။ Engineer ကျောင်းသား တစ်ယောက်ပါ။ ကျွန်တော် 2016 ခုနှစ် September လပိုင်းမှာ ဘန်ကောက်မှာကျောင်းတက်နေရင်း အမြင့်တစ်နေရာကနေ ပြုတ်ကျခဲ့တဲ့အတွက် လည်ပင်းအရိုးပြင်းထန်စွာ ဒဏ်ရာရရှိပြီး ခန္ဓာကိုယ်တစ်ခုလုံးရှိ အကြောများသေပြီး ဘန်ကောက် နှင့် စင်ကာပူမှာ (2) ကြိမ် ခွဲစိတ်ကုသမှုခံယူခဲ့ပါတယ်။ ခွဲစိတ်ကုသမှုခံယူပြီး ဆရာဝန်
များရဲ့ညွှန်ကြားချက်အတိုင်း စင်ကာပူတွင် ပြန်လည်သန်စွမ်းရေး လေ့ကျင့်ခန်းများ ဂရုတစိုက်ပြုလုပ်ခဲ့ပါတယ်။ ထို့နောက် မြန်မာပြည်သို့ ပြန်လာခဲ့ပြီး လေ့ကျင့်ခန်းများ ဆက်လက်ပြုလုပ်နိုင်ရန်အတွက် နောက်ဆုံးပေါ်ခေတ်မှီ စက်ရုပ်အထောက်အကူပြု လမ်းလျှောက်စက်များရှိသော Grand Hantha International Hospital ကိုရွေးချယ်ခဲ့ပါတယ်။

Grand Hantha ဆေးရုံသို့ စတင်လာရောက်လေ့ကျင့်သည့်အချိန်တွင် Wheel Chair ဖြင့်သာ သွားလာနိုင်ခဲ့ပါတယ်။ (၃)လခန့် ဇွဲမလျှော့ပဲ ကြိုးစားလေ့ကျင့်ပြီးနောက်ပိုင်းမှာ တိုးတက်မှု သိသိသာသာရရှိခဲ့ပြီး ယခုအခါတွင် တစ်ချောင်းထောက်ဒုတ်ကောက်အား အသုံးပြုပြီး မိမိဘာသာ လမ်းလျှောက်နိုင်နေပြီ ဖြစ်ပါတယ်။ ကျွန်တော့်အား ဂရုတစိုက်ပြုစုကုသပေးပါသော ဆရာမကြီး ပါမောက္ခ Dr. Than Than Htay   နှင့်တကွ စေတနာအပြည့်ဖြင့် လေ့ကျင့်ကုသမှုပေးခဲ့သော Grand Hantha ဆေးရုံ Physical Medicine and Rehabilitation ဌာနမှ Physiotherapist များအားလုံးအား အထူးပင်လှိုက်လှိုက်လှဲလှဲ ကျေးဇူး   တင်မိပါတယ်။

“ ကျေးဇူးအထူးအထူးတင်ပါတယ်GHIH”

ကျွန်မ အဖေ23/2/2018နေ့ က လက်ပံတန်းပြည်သူ့ဆေးရုံမှာ ဆေးရုံတက်နေတယ်ဆိုလို့ ကျွန်မရန်ကုန်ကနေသွားကြည့်ခဲ့ပါတယ် ။ ဗိုက်ထဲမှာတင်းတင်းကျပ်ကျပ်ကြီးနဲ့ဆီးလဲမသွားနိုင်ဘူးလို့ပြောပါတယ်။ ကျွန်မအဖေအသက်က(၈၅နှစ်)ဆိုတော့ကျွန်မ ရန်ကုန်ကို ခေါ်ခဲ့ပါတယ်။ နယ်ဆေးရုံကိုအထင်သေးလို့ရယ်တော့မဟုတ်ပါဘူး။အသက်ကြီးနေတဲ့အဖေအတွက်စဉ်းစားခဲ့တာပါ Grand Hantha International Hospital ကိုရောက်တာနဲ့အရေးပေါ် ဌာန ကိုဝင်ခဲ့ပါတယ်။ အဲဒီနေရာကနေ စပြီး စစ်ဆေးမှုတွေပြုလုပ်ခဲ့ရာကနေ ခွဲစိတ်ရမယ်ဆိုတဲ့အဖြေထွက်ခဲ့ပါတယ်။ အဲအချိန်မှာပဲကျွန်မတို့သောကတွေရောက်ခဲ့ရပါတယ်။  သက်ဆိုင်ရာဆရာဝန်ကြီးများက သေချာဆွေးနွေးတိုင်ပင်ပြီး၊ ခွဲမှဖြစ်မယ်လို့ပြောပါတယ်။ အစာအိမ်မှာအနာဖြစ်ပြီးပေါက်ထွက်သွားတာ၊ကျောက်ကပ်ကိုလည်း အနည်းငယ်ထိနေတဲ့ပုံစံပါ။ နောက်ဆုံးတော့
24/2/2018 မနက်တစ်နာရီမှခွဲဖို့ဖြစ်ခဲ့ပါတယ်၊အဲဒီအချိန်မှာဆေးရုံကလိုအပ်တာတွေကိုပြည့်စုံအောင်စီစဉ်ပေးပြီး၊နှစ်နာရီခွဲမှာအားလုံးအောင်မြင်စွာနဲ့ပြီးဆုံးခဲ့ပါတယ်၊ အသက်အန္တရာယ်မှလွတ်မြောက်ခဲ့ပါတယ် ဆေးရုံတက် နေစဉ် ကာလ အတွင်း နွေးနွေးထွေးထွေး ဂရုစိုက်ပေးကြသော Grand Hantha International Hospital မှ သွေးချိုဆီးချို နှင့် ဟော်မုန်း ရောဂါ ဆိုင်ရာ အထူးကု သမားတော်ကြီး ပါမောက္ခ ဒေါ် သန်းသန်းအေး ၊ ဆီး နှင့် ကျောက်ကပ် အထူးကုဆရာဝန် ပါမောက္ခ ဦးခင်မောင်ဌေး၊ အထွေထွေ ခွဲစိတ် အထူးကု ဆရာဝန် တွဲဖက် ပါမောက္ခ ဦးအောင်ခိုင်ဇံ နှင့်ဆရာဝန်များ၊သူနာပြုအဖွဲ့ များအားအထူးကျေးဇူးတင် ရှိ ပါတယ်ရှင့်

Excellent medical services. The nurses are well-trained. My father was hospitalized there for 16 days but never feel like he was in a hospital . Emergency Department service is highly recommended.

Our beloved son and the new generation of Baton Tours had finally arrived to our daily routine after 39 weeks and 5 days at Grand Hantha Hospital. Thank you Grand Hantha for your warm welcome to our baby. We thanks a lot for your intensive care and hospitable services as well as the presents and family picture for our baby.